Абай • 10 Тамыз, 2020

Жас кітапханашылардың ІІ слеті Абай мұрасына арналды

34 рет көрсетілді

Зағип және нашар көретін азаматтарға араналған республикалық кітапханасы Жас кітапханашыларының II Cлетін өткізді. «Жастар және Абайдың рухани құндылықтары» тақырыбын арқау еткен слет «Біз сәттілікті таңдаймыз!» ұранымен онлайн режимде Zoom платформасында өтті, - деп хабарлайды Egemen.kz.

Абайдың 175 жылдық мерейтойына орай ұйымдастырылған слет аясында кітапхана директоры Асхат Байұзақов адамзаттың рухани қазынасына қосқан өлшеусіз үлес қсқан хәкім мұрасының маңыздылығына тоқталды.

Слет жұмысына ҚР Мәдениет және өнер ісі департаментінің директорының орынбасары М.Арғынбеков, М.О. Әуезов атындағы Әдебиет және өнер институты директорының орынбасары Е.Сұлтан, Новосібір облыстық зағип және нашар көретін азаматтарға арналған арнайы кітапхана директоры Ю. Лесневский, Санкт-Петербург мемлекеттік зағип және нашар көретін азаматтарға арналған арнайы кітапханасының даму бөлімінің жетекші әдіскері, Жастар кеңесінің төрағасы М.Назаров; Көкшетау қалалық ақпараттық кітапхана жүйесінің директоры А. Әбішева, т.б. қатысты.

 «Абай – әлемдік деңгейдегі ойшылдардың қатарындағы ғажайып тұлға» тақырыбына арнайы кітапханалар мамандарымен қатар шетелдік әріптестер баяндама жасады. Атап айтқанда, Кузбасс арнайы кітапханасының, М.Х. Тухватшин атындағы Башқұрт республикалық зағиптарға арналған кітапханасының онлайн режимдегі қызметі, «А. Құнанбаевтың 175 жылдығына арналған онлайн шараларды дайындау бойынша зағиптар үшін Ресей мемлекеттік кітапханасының жұмысы, т.б. тақырыптарда баяндамалар тыңдалды.  Слет қатысушылары онлайн конференция қарарымен танысып, марапаттау рәсіміне қатысты. «Ізбасары Абайдың» атты республикалық онлайн байқауының нәтижесіне орай 7 аталым бойынша 21 оқырман I, II, III дәрежелі дипломдармен марапатталып, Абай Құнанбаевтың «Дүниеде сірә сендей маған жар жоқ...» MP3 форматтағы кітапхана дыбыс жазу студиясынан шыққан кітабы сыйға тартылды. Ал «Брайль жүйесінде шығарылған үздік басылымдар» республикалық байқауының жүлдегерлеріне I, II, III дәрежелі дипломдар және ақшалай сыйлықтар табысталды.

Зағип және нашар көретін азаматтарға арналған республикалық кітапхана Новосібір облыстық зағип және нашар көретін азаматтарға арналған арнайы кітапханасымен 2017 жылы Меморандумға қол қойған болатын.  Слет аясында Москва қаласындағы зағип азаматтарға арналған Ресей мемлекеттік кітапханасы және Татарстан республикалық зағип және нашар көретін азаматтарға арналған арнайы кітапханалары ынтымақтастыққа қол қойылды.

Слет ҚР Ұлттық академиялық кітапханасы мен «Қазақстандық Кітапханалық Одақ» ЗТБ білікті жас мамандарының «Қазақстандық Ұлттық электронды кітапхана Қазақстанның ғылыми және мәдени ресурсы ретінде» және «Кітапхана ісінде ақпараттық технологиялардың қолданылуы» тақырыптарында семинар-тренингтермен жалғасын тапты. Оның барысында «Электронды мемлекеттік кітапхана қоры - Қазақстанның ұлттық электронды кітапханасы» жобасының жүзеге асуы, кітапхана ісінде ақпараттық технологиялардың қолданылуы жайында мағлұматтар берілді.

Слет жұмысы халықаралық онлайн вебинарлармен жалғасты. Ал «Спортта шекара жоқ» - «Тоқтатуға болмайтын команда» тақырыбындағы халықаралық онлайн вебинарда өатысушылар салауатты өмір салтын насихаттап, мүмкіндігі шектеулі жандарды өз-өзіне сенімділікке баулу тақырыбын талқылады.

Екі күнге созылған слет жұмысы қатысушылар үшін  пайдалы, құнды ақпаратқа толы болды.

Соңғы жаңалықтар

Елімізде тағы 55 адам індеттен айықты

Коронавирус • Бүгін, 09:00

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Таразда тұңғыш рет күрделі ота жасалды

Аймақтар • 18 Қыркүйек, 2020

Қазақстанда темекі қымбаттайды

Қоғам • 18 Қыркүйек, 2020

Кепілге алған көлігін қайтармаған

Аймақтар • 18 Қыркүйек, 2020

Ұқсас жаңалықтар