Саясат • 11 Тамыз, 2020

Сайлауға дайындық барысы талқыланды

233 рет
көрсетілді
1 мин
оқу үшін

Орталық сайлау комиссиясының (ОСК) кезекті отырысында 12 тамызда өтетін Парламент Сенаты депутаттарының сайлауына дайындық мәселесі қаралды.

Сайлауға дайындық барысы талқыланды

Жиынға видеобайланыс арқылы облыстардың, Нұр-Сұлтан, Алматы және Шымкент қалаларының аумақтық сайлау комиссиялары және онлайн режімде БАҚ өкілдері қатысты. ОСК төрағасы Берік Имашев 10 тамызда сағат 00:00-де кан­ди­даттардың сайлауалды үгіт жұ­мысы аяқталғанын мәлімдеді. Осылайша күнтізбелік жоспарға сәйкес дауыс беру күнін ұйым­дас­тырумен және өткізумен бай­ланысты барлық сайлауалды іс-шаралар аяқталады. Осыған байланысты облыстардың, Нұр-Сұлтан, Алматы және Шымкент қалаларының аумақтық сайлау комиссиялары төрағаларының дауыс беру күніне дайындық барысы тыңдалды.

Сайлау комиссияларының ұсынған мәліметтеріне сәйкес сайлау бюллетендеріне 46 кандидат енгізілді (тіркеуден кейін 12 кандидаттан кан­ди­датураларын алып тастау ту­ралы өтініш түскен). Шығыс Қазақстан облысынан 4 кан­дидат, Ақмола, Атырау, Батыс Қазақстан, Қарағанды, Қоста­най, Қызылорда және Павло­дар облыстары, Нұр-Сұлтан, Алматы, Шымкент қала­лары­нан 3 кандидаттан және қалған өңір­лерден 2 кандидаттан тіркел­ген. Республика бойынша таң­даушылар тізіміне 3069 мәслихат депутаты енгізілген.

Берік Имашев аймақтардағы санитарлық-эпидемиялық жағ­дайды ескере отырып, сайлау процесінің санитарлық қауіп­сіздігін қамтамасыз ету үшін барлық қажетті шаралар қа­былданғанын атап өтті. Бұдан басқа, сайлау күні ОСК-ның ин­тернет-ресурсы арқылы таң­даушыларды тіркеуді және дауыс берудің алдын ала қоры­тын­дыларын шығаруды онлайн байқау сервистері жұмыс істей­тін болады, бұл сайлау про­це­сінің ашықтығы мен жа­рия­лылығын қамтамасыз етпек.