![УЕФА қазақстандық клубтардың чартерлік рейстерін өз мойнына алды](/media/2020/08/11/9557b5f19b57d3715397c9104a5c29c3-crop-l-41-t-0-w-962-h-541.jpg)
УЕФА еурододалардың бірінші кезеңінде өнер көрсететін барлық командаларға чартерлі рейспен ұшу керектігін міндеттеген еді. Ол үшін әр командаға шамамен 40 000 еуро бөлінді.
Аталған еурододада Қазақстанның төрт командасы ойнайды. Чемпиондар лигасының бірінші кезеңінде елордалық "Астана" футбол командасы сырт алаңда "Динамо-Брест" (Беларусь) командасымен ойнайды.
Ал "Қайрат" пен "Ордабасы" Еуропа лигасындағы ойындарын өз алаңында өткізу керек. Алматылық команда армениялық "Ноа" ұжымын қабылдаса, шымкенттік командаға румыниялық "Ботошани" командасы түсті.
Қызылордалық "Қайсар" болса, Еуропа лигасының екінші кезеңінен бастап сынға түседі. Белгілі болғандай, жеребе 31 тамызда тартылады.