Аймақтар • 11 Тамыз, 2020

Арал ауданаралық ауруханасына медициналық құрал-жабдықтар табысталды

38 рет көрсетілді

Бүгін Арал ауданаралық ауруханасына "Аралтұз" АҚ мен "Аралсода" ЖШС  демеушілігімен алынған медициналық құрал-жабдықтар табысталды.

Аудан әкімі Мұхтар Оразбаев ауруханаға қажетті заттарды алуға  қомақты қаржы бөліп, демеушілік жасағаны үшін "Аралтұз" АҚ президенті Айдынбек Тауасаровқа аудан халқының атынан алғысын жеткізді. Сонымен қатар, аудан басшысы ел саулығы үшін қызмет етіп жүрген ақ халатты жандардың жұмыстарына табыс тіледі.

Аралтұз АҚ мен "Аралсода" ЖШС бөлген 50 миллион теңге көлеміндегі ақшалай қаражатқа аудандағы провизорлық стационарларға қажетті медициналық құралдар мен жабдықтар алынды.

Қайырымдылық көмек аясында 23 оттегі концентраты, 200 медициналық төсек пен 400 төсек орын жабдығы, 200 медициналық қорғаныс құралы мен маска жиынтықтары табыс етілді.

Көмек көрсетудің келесі кезеңінде ауданаралық ауруханаға  2 жедел жәрдем машинасы, 100-ден астам газ баллон, сәулелендіргіш, медициналық функционалды төсек берілетін болады.

Айтып өтейік, ауруханаға берілген төсек жабдықтарының барлығы "Арал қаласы бойынша мүмкіндігі шектеулі мүгедектерді қолдау мен қорғау бірлестігінің" төрайымы Индира Жұмашеваның тігін шеберханасында тігілген.

Медициналық құралдарды табыстау сәтінде "Аралтұз" АҚ президенті Айдынбек Тауасаров: "Біз бәріміз де Қазақстанда тұрып, жұмыс істеп жатырмыз. Бұл біздің үйіміз. Осында менің жақындарым, менің балаларым өмір сүреді. Әлеуметік жауапты компанияның басшысы ретінде қазіргідей сәтте мен де ұжым да қалыс қала алмаймыз. Сондықтан да аудандық аурухана үшін медициналық жабдықтарды сатып алуға шешім қабылдадық. Компания Арал тұрғындарына барынша қолдау мен көмек көрсетуге тырысуда",- деп атап өтті.

Соңғы жаңалықтар

Қай салада жалақы өсті?

Экономика • Бүгін, 11:45

Ұқсас жаңалықтар