Абай • 12 Тамыз, 2020

Қазақстандық дипломаттар Мәскеуде Абай күнін атап өтті

197 рет

көрсетілді

1 мин

оқу үшін

Абай Құнанбаевтың 175 жылдығын мерекелеу шеңберінде Елші Ермек Көшербаевтің басшылығымен Ресейдегі Қазақстан Елшілігінің дипломаттары, сонымен қатар қазақ мәдениетінің Мәскеудегі қоғамдастығының өкілдері Ресей астанасындағы «Чистые Пруды» бульварындағы ұлы қазақ ақыны һәм ойшылының ескерткішіне гүл шоқтарын қойды. Бұл туралы Egemen.kz СІМ баспасөз қызметіне сілтеме жасап хабарлайды.

Маржан ТІЛЕУБЕК

Қазақстандық дипломаттар Мәскеуде Абай күнін атап өтті

Ұлы отандасымызға құрметін білдіре отырып, дипломаттар оның шығармашылығының арқасында Пушкин, Лермонтов, Гёте, Байрон, Шиллердің және басқа да әлемдік мәдениет өкілдерінің шығармалары қазақ тілінде сөйлегенін атап өтті.

Іс-шара аясында Елшілік қызметкерлері Абайдың Қара сөздерін оқып, әйгілі «Желсіз түнде жарық ай» әнін айтты.

Сондай-ақ, Елшілік Абай мерейтойына арнайы Рунетте https://abai175.ru/ сайтын таныстырды, онда ұлы ақынның өмірі мен шығармашылығы жайлы ақпарат топтастырылған.