1978 жылдан бері Испанияның бас шаһарында үздіксіз ұйымдастырылып келе жатқан дүбірлі додада жер жүзінің талай желаяқтары бас қосып, жарыс көрігін қыздыруда. Ерлер мен әйелдерді қос алғанда ең зор табысқа қол жеткізген – Кения спортшылары. Қара құрлықтан келген өрендер 26 мәрте (17 ерлер+9 әйелдер) топ жарды. Екінші орынды жарыс қожайындары иеленуде. Пирней түбегінің түлектері 22 рет (9+9) дара шықты. Үшінші сатыға Эфиопия табан тіреді. Бұл елдің өкілдері 9 мәрте (2+5) жеңіс тұғырының ең биік сатысына көтерілді.
Былтырғы жылы өткен жарыста ерлер арасында кениялық Реубен Керио шашасына шаң жұқтырмаса, әйелдер сайысында Шашо Инсерму алдына жан салмады.
