Саясат • 14 Тамыз, 2020

Сайлау қорытындылары жарияланды

9 рет көрсетілді

Кеше Орталық сайлау комиссиясының отырысында Сенат депутаттарын сайлау қорытындысы бойынша қаулы қабылданды.

Жиын барысында ОСК төр­ағасының орынбасары Конс­тантин Петров облыстық, Нұр-­Сұлтан, Алматы және Шымкент қалалары сайлау комис­сия­ларының Парламент Сенаты депутаттарын сайлау бойын­ша дауыстарды санау нәтиже­лері туралы хаттамалары не­гізінде сайлау 14 облыс пен Нұр-­Сұлтан, Алматы және Шымкент қалаларында өтті деп таныл­ғанын баяндады. Оның айтуын­ша, 3069 таңдаушының 2889-ы немесе таңдаушылардың жалпы санының 94,1 пайызы дауыс беруге қатысқан.

Отырысты қорытындылай келе, ОСК төрағасы Берік Има­шев бұл сайлау науқанының ерек­шелігі – әйелдердің саяси бел­сенділігінің артқаны болғанын атап өтті. Яғни, сайланған 17 депутаттың 5-і әйелдер, бұл 29,4%-ды құрайды. 2014 және 2017 жылдардағы сайлауда бұл көр­сеткіш тек 6% болған.

Дауыс беру барлық басқа сайлау рәсімдері сияқты сайлау заңнамасының нормаларына сай өтті. Дауыс беру рәсімін және сайлау қорытындыларын шығаруды 242 жергілікті және 5 халықаралық байқаушы байқап отырған.

Соңғы жаңалықтар

Шектен шыққан ахуал жоқ

Аймақтар • Бүгін, 15:02

Ұқсас жаңалықтар