![Ертіс өзенінің алқабы ерекше қорғалмақ](/media/2020/08/17/ertis-ozeni-dgagalauy.jpg)
– Бүгінгі таңда Қазақстан аумағының шамамен 9%-ы ерекше қорғалатын табиғи аумақ мәртебесіне ие. БҰҰ мен басқа да халықаралық ұйымдардың ұсынысы бойынша бұл көрсеткішті 10 жыл ішінде 12%-ға дейін арттыру керек. Ал Ертіс өзенінің алқабы осындай аумақ тізіміне енуі мүмкін», деді ведомство басшысы.
Экобелсенділермен өңірдің экологияық өзекті мәселелері талқыланған жиында министр қазір Павлодар облысы бойынша жол картасының жобасы жасалып жатқанын, онда өңірдегі экологиялық жағдайды жақсарту үшін шаралар белгіленетінін, бұл ретте министрлік қала жұртшылығымен бірге жұмыс істеуге ниетті екенін жеткізді. Сонымен қатар кәсіпорындарда ең озық қолжетімді технологияларды (ОҚТ) енгізу, жасыл желек санын артыру, халықтың экологиялық мәдениетін жақсарту және экологиялық заңнаманы бұзғаны үшін айыппұлды қатайту мәселесі қозғалды. Мәселен, халықтың Павлодар қаласында улы өндірістерді салуға тыйым салу туралы өтінішіне жауап ретінде министр нақты елді мекендегі немесе өңірдегі ластану деңгейіне қатысты халықаралық тәжірибені Қазақстанда енгізу жоспарланып отырғанын, жаңа Экологиялық кодекске тиісті нормалар енгізілгенін атап өтті.
Кез келген қауіпті өндірісті салу кезінде қоғамдық тыңдаулар өткізілуі мүмкін. Сондай-ақ жаңа кодекс жобасында халықтың жобалардың қабылдануына әсер етуін күшейтуге арналған тармақтар бар. Жасыл желек туралы мәселелер жол картасына енгізіледі. Қоршаған ортаны ластайтын кәсіпорындардың табиғатты қорғау іс-шаралар жоспарына ағаш егуді енгізуді жоспарлап отырмыз. Біз мұны ERG компаниясымен де талқылаймыз. Сонымен қатар үш жыл ішінде ағаш кескені үшін нормативтік-құқықтық базаны қатайту, өтемақы ретінде ағаш отырғызу мен оған күтім жасауды талап ету жоспарлануда. Қоқыс лақтыруға, ағаштарды кесуге, белгіленбеген орынға көлік қоюға және т.б. жол беретін төмен экологиялық мәдениет мәселесін айта келіп, министр мұндай заңбұзушылықтар үшін жаза күшейтілетінін айтты. Алдағы уақытта мектептерде экологиялық мәдениет пәнін енгізу үшін Білім және ғылым министрлігімен бірлесіп онлайн дөңгелек үстел өткізу жоспарланып отыр. Айта кетелік, кездесуде Президенттің экология пәнін еліміздің орта және жоғары оқу орындарында міндетті пән ретінде енгізу туралы бастамасына қолдау білдірілді.
«Жаңа технологияларға келетін болсақ, біз жаңа Экологиялық кодекстің жобасына ең озық қолжетімді технологиялар нормасын енгіздік. Оған 1300-ге жуық бірінші санаттағы кәсіпорындар көшуі тиіс. Яғни шығарындылар көлемін едәуір төмендететін технологияларды енгізу керек. Егер қоршаған ортаны ластайтын кем дегенде 50 кәсіпорынды осыған көшірсек, мәселенің 80%-ы шешіледі. Біз осы ретте кәсіпорындарды тексеруді бастадық. Еуропада ОҚТ енгізу үшін 15 жыл қажет болды. Қазақстанда барлық жұмыс істейтін кәсіпорындар 2035 жылға қарай ОҚТ жүйесіне көшуі тиіс. 2025 жылдан бастап салынған барлық кәсіпорында жұмыс істеп тұрған ОҚТ болуы тиіс. Кәсіпорындар бұл ретте үнемделген ақшаны ОҚТ енгізуге салуға ынталануы үшін мемлекет эмиссия төлетуден бас тартуға дайын», деді М.Мырзағалиев.