Елорда • 18 Тамыз, 2020

Нұр-Сұлтанда №1 қалалық ауруханадан вирустық пневмониямен ауырған соңғы науқас емделіп шықты

1586 рет көрсетілді

Бүгін Нұр-сұлтандағы № 1 көпсалалы қалалық ауруханасынан КВИ-мен ауырған соңғы науқас шығарылды. Инфекциялық стационарға әйел 4 тамызда түскен. Ауруханаға жатқызар алдында тексерістен өткен әйелден екіжақты вирустық пневмония анықталған. Бұл туралы елорда әкімдігінің баспасөз қызметіне сілтеме жасай отырып Egemen.kz хабарлайды.

"Ауруханадағы барлық медицина қызметкерлеріне ризамын. Жылы қарым-қатынас танытып, науқастар үшін үйдегідей жағдай жасады. Дәрігер тек дәрімен емес, жанымен де емдей алатынын сезіндім", деп алғыс білдірді әйел.

Науқастың айтуынша, ол 28 шілдеде өзін жайсыз сезініп, үйде емделген. Кейін денсаулығы жақсармаған соң ауруханаға барған. Ол клиникалық көрсеткіштерге сәйкес дереу ауруханаға жатқызылды. Емдеудің толық курсы жүргізілді.

"1 көпсалалы қалалық аурухана жұқпалы аурулар стационарына айналған сәттен бастап, 3,8 мыңнан астам коронавирус инфекциясы мен ауыр және орташа пневмониямен ауыратын науқас емделді. Олардың шамамен 3,5 мыңы сырқатынан айығып, үйлеріне оралды", дейді аурухананың бас дәрігері Марат Әбдуов.

Аталған стационар жұмысына барлығы 367 дәрігер жұмылдырылды. 18 тамыздан бастап № 1 көпсалалы қалалық аурухана инфекциялық стационар ретінде өз қызметін тоқтатып, штаттық режимде жұмысын жалғастырады.

18 тамыздағы жағдай бойынша Нұр-Сұлтанда қаланың жеті стационарында 301 науқас КВИ ауруынан емделуде. Қала бойынша пневмониямен ауыратын науқастар саны 5 шілдеден бастап 1 333-тен 179 адамға дейін азайды.

 

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

Қилы-қилы тағдырлар

Тарих • Кеше

Бір шаңырақтан – үш майдангер

Руханият • 08 Мамыр, 2021

Қазақ дегеніміз – Бауыржан...

Руханият • 08 Мамыр, 2021

505-ші түрменің тұтқындары

Тарих • 08 Мамыр, 2021

Ардагерлер азайып бара жатыр...

Қазақстан • 07 Мамыр, 2021

Ұқсас жаңалықтар