ҚАРБАЛАСТЫҚ ҚЫЗҒАН ШАҚ

Ауыл шаруашылығындағы қар­балас жұмыс әсте толаста­май­ды. Осындай бір сәтте Кер­бұлақ ауда­нындағы элиталы би­дай тұқымын өсіретін  егістік ал­қабында болып, ондағы тәлімді тәжірибе өңірдегі диқан қауымының назарына ұсы­ныл­ған жиынға қатысқанымыз бар еді. Тақта-тақта болып, самал жел­­мен баяу тербелген элиталы тұқым алқабындағы “Безостая-1”, “Одес­ская-120” өсірілген алтын ас­тық­тың биіктігі мен қауызы толған дән­дері таңдан­дыр­ған еді. Содан бері де бұл үрдіс жалғасып, астық ал­қап­та­рында ауыспалы егіс жүйе­сін сақ­тау, нөлдік технологияны қол­дану ұштастырылып, табыс­ты сала өркендетіліп келеді. Кербұлақ астықты аймақ бо­лып саналғандықтан, мұндағы ауыл шаруашылық құрылым­да­ры 104 мың гектардан аса ал­қап­қа дән себуді бастап та ке­тіпті. Мұн­да­ғы іргелі шаруа­шы­лық қатарын­дағы “Қызылжар” өндірістік ко­опе­ративінің ди­қан­дары көктемнің қолайлы сәтін барынша тиімді пайда­лануға жұмылған. Құрылым ағымдағы жылы “егін ексең ебін тап” демекші, дән­ді дақыл алқабын кеңейтіп, 2000 гектарға жаздық арпа, 1000 гектарға күздік бидай, осын­шама гектарға мақсары тұқы­мын сеуіп, науқанды нәтижелі бастағанын айтуға болады. Биыл олар алғаш­қы рет мақсары егіп, тәлімі жерге орналастырылған дақылдың өсімі жақсы болады деп топшылауда. Өйт­кені, оны күтіп-баптауға Үкі­мет тарапы­нан субсидия қарас­ты­рылыпты. Оны қайта өңдеуден өткізетін “Сарыбұлақ” жауапкер­ші­лігі шектеулі серіктестігімен келі­сім-шарт жасасқан. Осылайша, өңдеуші кәсіпорын дақылдан май шығарып, оның қалды­ғы­нан жем дайындалмақшы. Шаруашылық элиталы тұ­қым­­ды көбейтумен де айна­лыс­қан­дық­тан, бұған дейін мем­лекеттен суб­сидия алып келсе, биылдан бастап мұндай қаржы осы тұқымды сатып алушыларға берілетін болыпты. Мұның ди­қан­дарға да тиімді жағы бар екен. Тұқым өсірушілер енді өнімнің бағасын өздері қойып, оны көтеруіне мүмкіндіктері бар. Көктемнің әр күнін тиімді пай­даланған кооператив ұжымы ылғал сақтау мен жиын-терін аяқ­талған соң топырақтың кеуіп кет­пеуін де назарда ұстап келеді. Осын­дай агротехника­лық жұмыс­тар­дың ұйымшыл­дық­пен атқары­луы­на қажетті тех­ника жеткілікті десек, 25 трак­тор, 4 “К-700”, 23 тұ­қым сеп­кіш, 120 тырма, 13 ком­байн, 7 соқа және 30 жүк таситын ав­­токөлік қатыстырылып, меха­ни­­затор қауымы жауапкерші­лік­терін жете сезінген. Ұжымдағы 140-қа жуық еңбек адамы да ортақ бай­лық­тың еселенуіне өз үлестерін қосып келеді. Еңбек ада­мының айлық табысы да жа­ман емес. Аудан­ды аралаған са­па­рында облыс әкімі Серік Үм­бе­тов те бұл мәселені коопе­ра­тив төрағасы Базарбай Бай­мұ­хам­бе­товке ерекше тапсырған болатын. Аталған ауыл шаруашылық құ­рылымында бизнестің әлеу­мет­тік жауапкершілігі қалыпта­сып, орта мектеп, дәрігерлік қо­сын, пошта бөлімшесі мен ауыл­дағы көп балалы отбасы­ла­ры­на әрдайым көмек көрсе­тіліп, азық-түлік, отын мәселесі шешімін табуда. Қырдағы еңбек көрігі осы­лай­ша қыза түскен. Көктемнің ал­ғаш­қы күндері дән себуге қолайсыз болғандықтан, олқы­лық­тың орнын толтыру үшін диқан-механиза­тор­лар уақыт­пен санаспай еңбек етуде. Бү­гін­гі маңдайтердің өтеуі мол ас­тық екенін олар жете түсінген. Күмісжан БАЙЖАН. Алматы облысы.