2020 жылдың 25 тамызында 08 сағат 15 минутта Жақсыбұлақ стансасында (Шығыс Қазақстан облысы, Аягөз ауданы) қатты желдің салдарынан стансада тұрған жүк вагондары өздігінен орындарынан қозғалып, келіп қалған №3471 жүк пойызына қарсы жылжи бастаған. Сөйтіп, соқтығысып қалған.
Соқтығыс нәтижесінде 1525 км локомотив пен 23 вагон рельстен шығып кетіп, локомотивтен өрт шыққан. Опат болғандар мен зардап шеккендер жоқ. Оқиға орын алған жерге Балқаш, Ақтоғай стансаларынан қалпына келтіру және өрт сөндіру пойыздары жөнелтілді. Оқиғаның себеп-салдарын тексеру үшін арнайы комиссия жолға шықты.
Сонымен қатар, оқиға салдарынан "Нұр-Сұлтан Нұрлы жол – Достық" қатынасындағы №54 пойыздың кешігіп келді. Аталған пойыз жолаушыларының жол жүру құжаттарында (билеттерде) көрсетілген межелі жерлеріне жетуі үшін автобустармен тасымалдау ұйымдастырылуда.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.
