Белсенді демалыс әуесқойлары Нұр-Сұлтан қаласының кез-келген саябағында өздеріне қолайлы уақытта спорттық іс-шараға қатыса алады. Ниет білдірушілер таңғы 6-дан 21:00-ге дейінгі уақыт аралығында «Strava» қосымшасы арқылы онлайн қатысуға болады.
Онлайн жарыс қорытындысы бойынша әуесқойлар мен ардагерлер арасында жеңімпаздар мен жүлдегерлер анықталып, медаль, диплом және арнайы сыйлықтармен марапатталады.
Барлық қатысушылар жеке төлқұжаттарымен алдын ала тіркеуден өтуі тиіс. Жарыстың шарттары:
1. Жарыс нәтижесін бақылау үшін "Strava" қосымшасына тіркелу.
2. [email protected] электронды поштасына:
• Аты-жөні;
• "Strava" қосымшасындағы парақша атауы;
• электронды мекеніжайын жіберуі керек.
3. Санитарлық талаптарды сақтай отырып, қауіпсіздік ережелеріне сай ашық аспан астында жүгіруге немесе веложүгіруге алдын ала бағытын дайындау. Сондай-ақ қатысушылар қауіпсіздігі мен денсаулықтарына өздері жауапты. Әр қатысушы қашықтықпен уақытын өзі таңдайды. Ескерту! Қаланың басты даңғылдары мен көшелеріне, жаяу жүргіншілер жолына шығуға қатаң тиым салынады.
4. Ұялы телефон мен қол сағаттарда "Strava" қосымшасын қосу.
5. Жүгіру немесе веложүгіруден кейін Instagram желісінде фото-видео есебін салып, @sport_nursultan @elordasport парақшаларын #онлайн5км, #онлайн10км, #онлайн15км, #онлайн25км хештегтерімен белгілеу. Жарыс қорытындысын шығару үшін 30 тамыз күні сағат 22:00 ге дейін Instagram желісінде фото, видеолар жүктелуі қажет. Сондай-ақ әр қатысушы WhatsApp желісінде нәтижесін жіберуі керек.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.
