Қазақстан • 27 Тамыз, 2020

Темір жол көлігі: Заң жобасындағы жаңашылдықтар туралы

25 рет көрсетілді

Темір жол саласын жетілдіруге бағытталған "Темір жол көлігі туралы" ҚР Заңы жобасының Тұжырымдамасы әзірленді. Онда тасымалдау шараларын тасымалдаушылардың бәсекелі нарығына бағдарлау және осы процестің әрбір қатысушының рөлі, құқықтары мен міндеттерін айқындау ескерілген.

Бұл ретте, жолаушыларға қызмет көрсету стандарттарын енгізе отырып, жолаушыларға қызмет көрсету тәсілдерін қайта қарау көзделген. Халықаралық көлік дәліздерін дамытуды ескере отырып, контейнерлік тасымалдар бойынша көрсеткішке қол жеткізуге мүмкіндік беретін инфрақұрылымға қойылатын талаптарды айқындау, сондай-ақ жүк тасымалдаушыларды лицензиялау институтын жаңғырту және "ҚТЖ "ҰК" АҚ жергілікті актілеріне нормативтік құқықтық актілер мәртебесін беру жоспарланып отыр.

Бәсекелестікті дамытудың өзі тасымалдаушылардың жұмыс істеуіне теңдей емес жағдай туындататын кедергілерді жоюға барып тіреледі.

Қазіргі кедергілер жеке жүк тасымалдаушылар мен ұлттық жүк тасымалдаушының жұмыс істеуінің теңсіз тарифтік шарттарында жатыр. Сондықтан мұның бәрі кеңінен талданады және біртіндеп түзетіледі.

Осылайша, ұлттық жүк тасымалдаушы төмен (өзіндік құнынан төмен) құны бойынша қызмет ұсыну арқылы жолаушыларды тасымалдаушыларды қаржыландырады. Жеке жүк тасымалдаушыларда мұндай міндеттемелер жоқ.

Сөйтіп нарық қатысушылары үшін іс жүзінде бірдей бәсекелестік жағдай жасалады.

Осыған байланысты Тұжырымдамада Ұлттық жүк тасымалдаушының жолаушылар тасымалдаушыларын қолдау жүйесін құру, сондай-ақ тартым түрлері бойынша тарифтерді саралау арқылы тариф белгілеу негіздерін өзгерту жөнінде бірқатар институционалдық негіздер қабылдау көзделіп отыр.

Стандарттарға келетін болсақ, қолданыстағы заңда вокзалдар мен поездарда жолаушыларға қызмет көрсету стандарттарын регламенттейтін нормалар, сондай-ақ тасымалдау жөніндегі қызметтерді тұтынушылар ретінде жолаушылардың мүдделерін қорғау жөніндегі нормалар жоқ.

Сондықтан қызмет көрсету стандарттарын енгізудің негізгі міндеттері:

- әр түрлі субъектілердегі темір жол көлігі қызметкерлерінің іс-әрекеттерін біріздендіру;

- жолаушылар үшін барынша түсінікті мінез-құлық тәртібін қамтамасыз ету және олардың құқықтары мен міндеттерін түсіндіру;

- теміржол көлігі қызметкерлерін ашық және объективті бағалау үшін негіздер жасау;

- жолаушыларға қызмет көрсетудің бірыңғай сапасына қол жеткізу (поездардың кешігуі кезінде міндетті смс хабарлауды енгізу), билеттеудің қазіргі заманғы жүйесі;

- жұмыс процестері мен рәсімдерін оңтайландыру;

- көрсетілетін қызметтердің сапасы мен құрылымына, атап айтқанда жұмсақ алмалы-салмалы мүкәммалдың сапасына, ауа баптау жүйелерінің болуына және басқа да қосымша қызметтерге қойылатын талаптарды бекіту.

Жолаушыларды тасымалдау ережелерінде көрсетілген жолаушыларға қызмет көрсетудің өзіндік тәртібі стандарт болады. Алайда, жолаушылардың осы тәртіппен жазылған ақпаратты және нормаларды жақсы қабылдауы үшін оған "Жол бойында және вокзалдарда жолаушыларға қызмет көрсету стандарты" атауын беру жоспарлануда. Онымен жолаушыларды таныстыру үшін аталған стандартты поездың вагонына ілу міндеттеледі.

 
Соңғы жаңалықтар

Ұқсас жаңалықтар