Журналистердің «Беларусь президенті де Еуропаға келуіне тыйым салынатындардың қатарында бола ма?» деген сұрағына Т.Петричек «Лукашенко да тізімде болуы керек», деп жауап берді.
Литва Сыртқы істер министрі Линас Линкевичиус те А.Лукашенко санкция тізімінде болуы керек деген пікірмен келісіп отыр. Алайда Беларусь президенті белгілі себептермен тізімге қосылмауы мүмкін деген де болжамын жасырмады.
Грекия мен Кипр елдері де Түркияға Жерорта теңізінің шығысында заңсыз энергия тасымалдағаны үшін санкция жариялау керек деген ойда. Нақты айтқанда, екі мемлекет Беларуске қарсы іс-қимылға қосылуға келісімін беруі үшін алдымен Еуроодақтан Түркияға санкция салу мәселесін қарастыруды талап етіп отыр.
Ресей Федерациясының президенті Владимир Путин бейсенбіде Беларустегі жағдай шиеленісе түссе, көтерілісте күш қолданылса, полиция жіберуге дайын екенін мәлімдеді. Дегенмен қазір ондай қажеттілік көріп тұрмағанын айтты. Ал Линас Линкевичиус болса бұл заңсыз болатынын, Ресейге де бұл мәселеге қатысты ескерту жасалуы керегін хабарлады.
Украина Сыртқы істер министрі Дмитрий Кулеба дипломатиялық әріптестікті біржола үзуге себеп көрмейтінін, алайда Еуропа одағының шешімінен кейін санкция жөнінде кеңесіп, шешім қабылдайтынын хабарлады. «Беларустегі жағдай тұрақталғанша серіктестік пен байланысты тоқтата тұру абзал» деген мәлімдеме жасады.
