Мектеп-интернаттың жұмысы туралы директордың міндетін атқарушы Лиза Аттыбаева жан-жақты баяндады. Мұнда ерекше білім беруді қажет ететін 210 бала оқиды екен. Оларға білікті мамандардың кешенді көмектері көрсетіледі. Психолог, дефектолог, логопед, әлеуметтік педагогтардан құралған кәсіби мамандар қатары балалардың денсаулығын түзету мақсатында жұмыс атқаруда.
Ал, "Інжу" мектеп-гимназияның директоры Жанна Мәдімарованың айтуынша, мектепте сабақтар қашықтықтан және дәстүрлі түрде де білім алады. Директордың айтуынша, мұғалімдер мен мектеп жаңа оқу жылына дайын екен. Бердібек Сапарбаев мектеп ғимаратының қабырғасындағы мотивациялық және танымдық картиналарға да айрықша назар аударды. Ол мұғалімдердің оқу-тәрбие жөніндегі шығармашылық көзқарастарын жоғары бағалап, Тараз қаласының әкімі Айтқазы Қарабалаевқа бұл тәжірибені басқа мектептерге де қолдануды тапсырды.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.
