Әлемнің бірқатар белді зілтеміршілері бақ сынаған додада Қазақстанның намысын қос спортшы қорғады. 55 кило салмақта өнер көрсеткен Зүлфия Чиншанло қоссайыстың қорытындысы бойынша 200 (85+115) кило салмақта еңсеріп, күміс медальді иеленді. Ол бас жүлдені олжалаған өзбекстандық Муаттар Нәбиевадан бес кило кем көтерді.
Үшінші орынға польшалық Йона Лочовска табан тіреді. 109 кило салмақта күш сынасқан Ибрагим Берсанов алтыншы орынды қанағат тұтты. Оның көрсеткіші – 350 кг (165+185) кило. Бұл тарыста Варазат Лалаян топ жарды. Арменияның өкілі 425 (195+230) килолық зілтемірді тік көтерді.
