"Өрт сөндірушілер келгенге дейін 20 адам өз бетінше эвакуацияланды. Оның ішінде алтауы – бала. Өрт сөндірушілердің көмегімен 10 адам сыртқа шықты. Барлау барысында газ-түтіннен қорғау қызметі бесінші қабаттағы бір бөлмелі пәтердің есігі жабық тұрғанын анықтады. Құтқарушылар арнайы құралдың көмегімен темір есікті ашып, 1975 жылы туған ер адамды ес-түссіз күйде еденнен тауып алды", - дейді департаментте.
Сондай-ақ ТЖД қызметкерлері тағы екі адамды анықтады. Залда ес-түссіз күйде жатқан 1991 жылы туған әйел мен 1977 жылы туған ер адамды таза ауаға шығарып, 103-ті қызметіне тапсырды.
Тілсіз жау алты шаршы метр алаңды шарпыған.
