Адами әлеуетті дамыту басқармасының мәліметінше, жоспарға сай облыста 912 мектеп өз жұмысына кіріскен. Оның ішінде 164 мектеп штаттық режимде жұмыс істеп, 16 375 оқушыға білім беруде. Былтырғы оқу жылын 910 мектеп аяқтаған болса, биыл Ордабасы ауданынан 600 орындық мектеп және Жетісай ауданынан 200 орындық мектеп іске қосылды. Жалпы, өңірдегі мектептерде бала саны — 499 535. Аудандарға тиісті 4000 дана планшет «Bilim» тарифтегі симкартасымен бірге құжаттары рәсімделіп, ең алдымен әлеуметтік осал топтағы, көпбалалы және аз қамтамасыз етілген отбасы оқушыларына берілетін болады.
