«Нұр Отан» партиясы облыстық филиалы Саяси кеңесінің отырысында саяси ұйымның кезектен тыс ХV съезінің шешімдері және Елбасы – партия Төрағасы Нұрсұлтан Назарбаевтың сөйлеген сөздерінен туындайтын міндеттер талқыланды.
Алқалы басқосуға қатысқан аумақтық филиалдардың төрағалары мен олардың бірінші орынбасарлары, съезд делегаттары, жергілікті мәслихаттардың депутаттары, «Жас Отан» жастар қанатының белсенділері мен БАҚ өкілдері алдында филиал жетекшісі, аймақ басшысы Самат Ескендіров сөз сөйледі.
«Нұр Отан» партиясы облыстық филиалы Саяси кеңесінің отырысында саяси ұйымның кезектен тыс ХV съезінің шешімдері және Елбасы – партия Төрағасы Нұрсұлтан Назарбаевтың сөйлеген сөздерінен туындайтын міндеттер талқыланды.
Алқалы басқосуға қатысқан аумақтық филиалдардың төрағалары мен олардың бірінші орынбасарлары, съезд делегаттары, жергілікті мәслихаттардың депутаттары, «Жас Отан» жастар қанатының белсенділері мен БАҚ өкілдері алдында филиал жетекшісі, аймақ басшысы Самат Ескендіров сөз сөйледі.
Баяндамашы «Нұр Отан» партиясының кезектен тыс ХV съезінің тарихи маңызына тоқтала келіп, осынау саяси жиынға Қызылжар өңірінен 62 делегат қатысқанын, партияның Саяси кеңесінің жаңартылған құрамына «Мәмбетов және К» командиттік серіктестігінің бас директоры Еркебұлан Мәмбетов пен Тіл және әдебиет институтының директоры Жанар Таласбаеваның, Тексеру комиссиясының құрамына облыстық мәслихаттың депутаты Райхан Әбдірахманованың енгенін жеткізді. Нұрсұлтан Назарбаев көшбасшы партияның жеті міндетін айқындап, алдымызға үлкен межелер қойды. Форумда қабылданған Саяси доктрина ел дамуының ұзақ жылдарға арналған маңызды қадамдарын белгілеп берді. Бұдан былай патриоттық күш, жалпыұлттық бірліктің орталық буыны, азаматтық қоғамның көшбасшысы, экономикалық және әлеуметтік инновациялардың жалпыұлттық эпицентрі, жалпыхалықтық бақылаудың басты құралы, жастар белсенділігі басым бағыттар ретінде жан-жақты қолдау табатын болады, деді өңір басшысы.
Самат Сапарбекұлы «Қазақстан-2050» Стратегиясын жүзеге асыруға байланысты өңірде атқарылып жатқан шараларға тоқталып, басты міндет Стратегия мен Доктрина талаптарын бұлжытпай орындау болып табылатынын қадап айтты. Партия Төрағасы атап өткендей, Қазақстан әлемнің ең дамыған 30 мемлекеті қатарына қосылу жолында ұстанған бағдарынан айнымайды. Оған еліміздің экономикалық әлеуеті, халқымыздың күш-жігері толық жетеді. Өзімізді ұдайы қамшылап, алға ұмтыла білсек қана «Қазақстан-2050» Стратегиясындағы биік мақсаттарды орындауға қол жеткіземіз. Ал бұл әр нұротандықтан белсенді іс-қимыл күтеді.
Саяси кеңес отырысында облыстық мәслихаттың хатшысы Қайырлы Едіресов, Петропавлдағы қазақ мектеп-гимназиясының директоры Гүлжан Жақанова, ішкі саясат басқармасының басшысы Салауат Мұқсимов, «Нұр Отан» партиясы Шал ақын аудандық филиалы төрағасының орынбасары Елена Кузичева, «Жас Отан» жастар қанатының облыстық филиалының атқарушы хатшысы Мұса Танақұлов сөйлеп, ұсыныс-пікірлерін ортаға салды.
Өмір ЕСҚАЛИ,
«Егемен Қазақстан».
Солтүстік Қазақстан облысы.
