Елорда • 03 Қыркүйек, 2020

Аз қамтылған отбасының балалары мектеп құралдарын сатып алуға 60 сертификат алды

115 рет көрсетілді

Әлеуметтік осал топтағы балаларға меценаттық және қайырымдылық қаражат есебінен қолдау көрсетілді. Бұл туралы елорда әкімдігінің баспасөз қызметіне Egemen.kz сілтеме жасап хабарлайды.

Көпбалалы және аз қамтылған отбасылардан шыққае бастауыш сыныпта оқитын алпыс оқушы дүкендерден кеңсе тауарларын сатып алуға сертификат алды. Әрбір сертификат номиналы 10 мың теңге. Балаларға "Рухани жаңғыру" жобалық кеңсесі Nur Otan партиясының "Бірлік" филиалымен бірлесіп көмек көрсетті.

"Мен көпбалалы ана ретінде баланы мектепке жинау қаншалықты қиын екенін білемін. Ал қазіргі қиын уақытта көп отбасы қиын жағдайға тап болды. Әсіресе сондай жандарға біздің қолдауымыз қажет. Президент Қасым-Жомарт Тоқаев өз Жолдауында жақын адамдарға көмектесу қажеттігін атап өтті. Мемлекет басшысының үндеуін толық қолдаймын",  деді "Рухани жаңғыру" жобалық кеңсесінің лекторы, блогер, кәсіби коуч Құралай Ошақбаева.

Көпбалалы және көмекке мұқтаж отбасыларға қолдау меценаттық және қайырымдылық қаражаты есебінен көрсетілді.

"Мүмкіндігі шектеулі балаларды игі істерімен қолдап, көтермелеп жүргендері үшін үлкен алғыс білдіргім келеді. Тек жақсылық болсын. Қазақстанымыз көркейе берсін. Балаларымыз аман болсын!", дейді көпбалалы ана Эльназ Тугетова.

Сонымен қатар, мектеп оқушыларымен кездесуге меценат Жәкен Мансура, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі Салтанат Тұрсынбекова да келді.

Соңғы жаңалықтар

Ұстазы жақсының ұстамы жақсы

Руханият • Бүгін, 18:30

Балқашта қар жауып жатыр

Ауа райы • Бүгін, 15:48

Той тойлау тыйылмай тұр

Қоғам • Бүгін, 10:45

733 980 қазақстандық вакцина салдырды

Коронавирус • Бүгін, 09:58

Ұқсас жаңалықтар