Спорт • 08 Қыркүйек, 2020

Боксшылар Талғарда жаттығуда

29 рет көрсетілді

Кеше бокстан Қазақстан ұлттық құрама командасы Алматы облысы Талғар ауданында орналасқан спорттық базада өздерінің оқу-жиынын бастады, деп хабарлайды Egemen.kz

–  Сантитарлық нормаларға сәйкес ұлттық командамыздың барлық мүшелері жиынға келер алдында және осы жерде коронавируске тест тапсырды. Алғашқы аптада Талғарда ашық аспан астында жаттығамыз. Одан кейін жиынымызды айтулы аудан аумағында қоныс тепкен Олимпиадалық даярлау орталығында жалғастырмақ ниеттеміз. Осы жерде ауыртпалық артады. Атап айтсақ, боксшылар кросс жүгіреді, тренажер залында шынығады, бассейнде жүзеді, тау-тасқа шығады. Бұл функционалдық даярлықты жетілдіру үшін өте қажет. Ал соңғы аптада рингте жаттығып, спаррингтер өткіземіз. Алатау бөктерінде өтіп жатқан оқу-жаттығу жиыны 5 қазанға дейін созылады, дейді Қазақстан құрамасының бас бапкері Ғалымбек Кенжебаев.

Ғ. Кенжебаевтың айтуынша, бұған дейін ұлттық құрама сапындағы боксшылар өз өңірлерінде даярланып, Алматыдағы жиынға жақсы бабында келген екен.

 

Соңғы жаңалықтар

Ұқсас жаңалықтар