Аймақтар • 10 Қыркүйек, 2020

Сұлутөрдің «Достық шыңы»

15 рет көрсетілді

Қазақ халқының ұлы ақыны Абай Құнанбай­ұлының 175 жылдығына және Конституцияның 25 жылдығына орай Жамбыл облысы, Жам­был аудандық «Жастар ресурстық орта­лығы» мен «Геккон» спорттық-туристік клубы «Дос­тық шыңы» деген атаумен альпиниада ұйымдастырды.

Мұндағы мақсат – киелі Әулиеата өңірінің туризм саласын дамыту, жастар арасында салауатты өмір салтын қалыптастыру және достық қарым-қатынасты нығайту. Аталған іс-шараға жамбылдық еріктілер қатысты. Олар Т.Рысқұлов ауданының аумағында орналасқан Батыс Тянь-Шаньның Қырғыз тау қыратында болып, биіктігі 3817 метр­ге жететін Сұлутөр шыңын бағындырды. Сөйтіп Сұлутөр маңындағы шыңдарға еліміздегі ұлтаралық достықты нығайту үшін «Достық шыңы» атауын берді.

Жамбыл аудандық «Жастар ресурстық орталы­ғының» директоры Маханбет Рахымжановтың айтуынша, мұндай іс-шаралар жастар арасындағы достықты нығайтып, еліміздің тарихи құндылық­тарын насихаттауда ерекше рөл атқарады. Альпи­ниаданың соңында «Достық шыңын» бағындырған бірқатар жастарға сертификат табысталды.

 

Жамбыл облысы

 

Соңғы жаңалықтар

Ақ бесікте тербеткен

Руханият • Бүгін, 16:00

Қазақстанда доллар арзандады

Қазақстан • Бүгін, 11:50

Бүгін – Құтқарушылар күні

Қазақстан • Бүгін, 11:10

Ел мүддесі – ерге сын

Руханият • Бүгін, 10:51

СҚО-да шаян жинаушылар ұсталды

Аймақтар • Бүгін, 10:07

Ұқсас жаңалықтар