Оқиға • 10 Қыркүйек, 2020

Айдалада адасқан екеу

163 рет көрсетілді

Жер мен жолдың қыр-сырын білмеген соң жалғыз жүрудің қажеті жоқтығы Ольга үшін осы жолы аңға­рылды.

«Ақтау – Бозжыра – Қа­рын­жарық – Булыойық үңгірі» бағыты бойынша туристік сапарға шыққан топтан жас­өспірім баласымен бірге бө­лініп, басқа жолға түсіп адасып кеткен Ольганы іздеу өз­гелерге екі күндік жұмыс бол­ды.

1

– 4 көлік болып 29 тамызда туристік сапарға шығып, арада бір тәулік өткенде Үстірт қорығына жеттік. Сол жерге түнеп, ертеңінде турис­тер соңғы нүкте – Бұлойық үң­гіріне қарай аттанған едік. Ке­тіп бара жатқанда Ольга бізге басқа жолмен баратынын ес­кертті. Өйткені ол бұған дейін де әлгі үңгірге бірнеше рет барған. Көлікте жанармай жеткілікті еді. Біз үңгірде кез­де­семіз деп ке­лістік. Бірақ діт­теген жер­ге жеткенде Оль­ганы тап­па­дық. Ол бәріміз жолға ат­танған нүктеге қай­тып кет­кен болар деген оймен кел­ген ізімізбен кері қайт­тық. Бірақ оны еш жерден тап­падық. Шекарашылар мен қо­рықшылар ешқандай көлік көздеріне түспегенін айтты. Біз өз бетімізше іздеуге кі­рі­сіп кеттік. Жолай «Легион тур» бірлестігінің адамдарын кез­дестірдік, олар өз ша­­руа­сын ысырып қойып, біз­ге көмекке келді. Жарты тәулік іздеп, таппаған соң Жа­ңа­өзенге барып, әйел мен бала жоғалғанын хабарладық. Сосын жоғалғандарды із­деу­ге құтқарушылар жедел қо­сылды, дейді құрбысы Ирина Муравьева.

1

Іздеу жұмыстарының нә­ти­жесінде Ольга мен баласы табылды. Олардың көлігі бей­мәлім себеппен өртеніп кеткен екен.

– Екеуінің ас-суы аз еді, оның үстіне құла түзде қорық­тың жыртқыш жануарлары бар, оларға шынымен үлкен қауіп төніп тұрған болатын. Егер құтқарушылар жедел қимылдамағанда әйел мен баланың жағдайы не болар еді, кім білсін. Біз Ольга мен баласын құтқаруға атса­лыс­қан барша жанға шынайы ризашылығымызды біл­ді­реміз, – дейді Ирина Му­равьева.

Туристік сапарда сақтық басым болу шарт, жапан далада жолды білемін деу – сол даланың перзенттеріне ғана жарасады.

 

Маңғыстау облысы

 

Соңғы жаңалықтар

Пневмониядан 5 адам қайтыс болды

Коронавирус • Бүгін, 10:00

ШҚО-да тұрғындар эвакуацияланды

Аймақтар • 09 Сәуір, 2021

Тасқын қаупі әуеден зерттелді

Аймақтар • 09 Сәуір, 2021

Алматыда тау баурайы отқа оранды

Аймақтар • 09 Сәуір, 2021

Алматыда карантин күшейтіле ме?

Коронавирус • 09 Сәуір, 2021

Ұқсас жаңалықтар