«ҚазМұнайГаз» АҚ-ға қарасты компаниялар тобы әлеуметтік жауапкершілікті арттырып, жұмысшыларына лайықты еңбек шарттарын ұсыну үшін үш бағыттан тұратын «Жоғары өнімділік мәдениеті» атты бағдарлама әзірленіп отыр. Бұл бағыт ұжымдық мәдениет, көшбасшылық және HR-құзыреттілікті дамытуға бағытталған міндеттерден тұрады. Жалпы, ҚМГ 2019 жылы жұмысшыларды әлеуметтік қолдауға 22 млрд теңге қаражат жұмсаған.
«Елдегі ірі жұмыс берушінің бірі ретінде, жұмысшылар мен кәсіподақтар арасындағы серіктестік қағидатына сүйене отырып, біз әлеуметтік бағытты ұстанамыз. Біз өнімді жұмысқа, лайықты жұмыс пен жақсы еңбек шарттарын қамтамасыз етуге, адамның еңбек құқықтары мен адами құқықтарын сақтауға, аймақтар мен қоғамның дамуына көмектесуге талпынамыз. 2019 жылғы «ҚазМұнайГаз»-ды трансформациялау бағдарламасының аясында «Жоғары өнімділік мәдениеті» атты бастама іске қосылған болатын», делінген компанияның есебінде.
Ұлттық компания тек жұмысшыларына ғана қолдау көрсетіп қоймайды. Есепке сүйенсек, 2019 жылы ҚМГ мен оның еншілес компаниялары жер қойнауын пайдалануға арналған келісімшарттарында өндірістік қатысу өңірін дамытуға және халықтың мұқтаж топтарына әлеуметтік көмек көрсетуге елеулі ақшалай қаражат бөліпті. Компаниялар қаражатты жергілікті атқарушы органдарға аударады, ал олар өз кезегінде қаражатты халықтың қажетіне жаратады. Өткен жылы осындай әлеуметтік қолдаудың көлемі шамамен 7,6 млрд теңгені құрады, оның ішінде:
«Өзенмұнайгаз» АҚ Маңғыстау облысының инфрақұрылымын дамытуға әлеуметтік бағдарламалар қорына 1,2 млрд теңге бөлді.
«Ембімұнайгаз» АҚ 2019 жылы Атырау облысы Қызылқоға ауданы Мұқыр ауылында 424 орындық орта мектеп құрылысына 131 млн теңгеден астам қаржы бөлді.
«Маңғыстаумұнайгаз» АҚ өңірдің әлеуметтік-экономикалық дамуына және Маңғыстау облысының инфрақұрылымын дамытуға 3,4 млрд теңге сомасында қаржылай қолдау көрсетті.
«ҚазМұнайТеңіз» ТМК ЖШС Маңғыстау облысындағы «Атажолы» автожолын қайта жөндеуді қаржыландыруға 388 млн теңге сомасында үлес қосты.
«Павлодар мұнай-химия зауыты» ЖШС Павлодар қаласындағы жекелеген спорт түрлері мен спорт іс-шараларына 447 млн теңге сомасында қолдау көрсетті.
«Қазгермұнай» БК ЖШС Қызылорда қаласындағы Жастарға қызмет көрсету орталығының құрылысына 1 465 млн теңге көлемінде қаржы бөлді, салым 2018-2019 жылдар аралығында әлеуметтік-экономикалық дамыту бойынша есептелді.
«Қазақойл Ақтөбе» ЖШС өңірді және Ақтөбе облысындағы инфрақұрылымды дамытуға 120 млн теңге бөлді.
Бұдан басқа, ҚМГ тобы Үкімет тапсырмасы шеңберінде Түркістан қаласының инфрақұрылымын (7 000 орындық стадион, 1 000 орындық конгресс-холл және амфитеатрдың құрылысы) дамытуға 22,8 млрд теңге бөлді, оның ішінде: ҚМГ – 14 млрд теңге, «ҚазТрансОйл» АҚ – 2,2 млрд теңге, «ҚазТрансГаз» АҚ – 5,7 млрд теңге.