Алматының инвестиция жағдайы тұрақты

Аймақтар • 10 Қыркүйек, 2020

Алматының инвестиция жағдайы тұрақты

16 рет көрсетілді

Аймақтық коммуникациялар қызметі алаңында Президент жолдауы аясында кәсіпкерлікті қолдау мәселесіне орай Алматы қаласы Кәсіпкерлік және инвестициялар басқармасының басшысы Еркебұлан Оразалин ағымдағы жұмыстармен таныстырды, деп хабарлайды Egemen.kz.

Эльвира СЕРІКҚЫЗЫ

"Мемлекет басшысы Қ.К. Тоқаев Жолдауында шағын және орта бизнесті жан-жақты қолдау және пандемияның жағымсыз экономикалық салдарын еңсеру үшін барлық қажетті шаралар қабылдау мәселелеріне ерекше назар аударды.

Президент өзінің сөзінде бірқатар бастамаларды атап өтті, оның шеңберінде біздің әрі қарайғы жұмысымыз қалыптасады", деп атап өткен Е.Оразалин қазіргі уақытта пандемияның себебінен қалыптасқан аса жағымсыз жағдай қызмет көрсету саласы мен сауда саласына әсерін тигізгендігіне тоқталды.

Көтерме-бөлшек сауданың нақты көлемінің индексі ағымдағы жылғы қаңтар-шілде айларының ішінде – 84%-ды құрады (Анықтама үшін: ағымдағы жылғы қаңтар-шілде айларының ішінде бөлшек сауда көлемі 1 643,8 млрд. теңгені, нақты көлемінің индексі – 81,2%-ды, қаңтар-шілде айларында көтерме сауда тауар айналымының көлемі 5 143,1 млрд. теңгені, нақты көлемінің индексі – 86,3%-ды құрады).

Е.Оразалин өз сөзінде "Бұдан басқа, көлік және қоймалау, тамақтану және қонақ үй бойынша көрсетілетін қызметтер, бизнес, туризм, ойын-сауық және демалыс бойынша көрсетілетін қызметтер секілді салаларда жағдайдың нашарлағаны байқалады.

Төтенше жағдай мен карантин режімі басталғалы бері, экономикалық жағдайды тұрақтандыру үшін, Алматы қаласының әкімдігі жұмыс орындары мен кәсіпкерлік субъектілерін барынша сақтауға бағытталған қолдаудың бірқатар негізгі шараларын қабылдады" деп атап өтті.