Аймақтар • 10 Қыркүйек, 2020

"Samruk-Kazyna Trust" қоры "Shevrolet Damas" көлігін сыйлады

55 рет көрсетілді

Жетісулық дәрігерлерге "Жедел жәрдем" көліктері табыс етілді. Су жаңа машиналар "Samruk-Kazyna Trust" Әлеуметтік жобаларды дамыту қоры арқылы алынып, облысқа берілді. Ынтамастық келісімге сай аталған қор Алматы облысына сегіз "Shevrolet Damas" маркалы көлік тарту етті, - деп хабарлайды Egemen.kz.

Сондай-ақ «Samruk-Kazyna Trust» әлеуметтік жоба­ларды дамыту қоры Ал­маты облысы медицина мекемелеріне қажетті құрал-жабдық та сыйлады. Бұған дейін облысқа өкпені жасанды желдету аппараттары, пульсоксиметрлер және оттегі концентраторлары бар гуманитарлық жүк келген болатын. Жалпы, қор тарапынан 4 дана өкпені жасанды желдету аппараты, 5 дана оттегі концентраторы, 60 пульсоксиметр сияқты керек-жарақ алынған.

– «Самұрық-Қазына» қо­ры табыстаған аппарат­тар ауруханалардың мате­риал­дық-техникалық базасын жақсартуға мүмкіндік береді. Бұл коронавирус инфекциясымен және пневмония­мен күресте халыққа сапа­лы медициналық көмек көр­сетуге ықпал ететіні сөзсіз. Гуманитарлық көмек ретінде беріл­ген медицина аппараттары облыстың барлық ауруханаларына таратылады, – дейді Алматы облыстық денсаулық сақтау басқармасының басшысы Өмірзақ Ниязбеков.

Айтпақшы, жақында об­лыстық денсаулық сақтау саласының иелігіне тағы 50 оттегі концентраторы берілген болатын. Құрылғыларды де­меу­шілік көрсеткен шетел­­­дік компания мен «ҚазМұнайГаз» компаниясы бірігіп сатып алған екен. Алынған оттегі концентраторлары да аймақтағы медицина мекемелеріне таратылуда.

Жалпы, облыстағы жедел медициналық көмек бригадасы күніне 3 мыңға дейін шақыртуға қызмет көрсетеді. Ал аймақта 165 жедел жәрдем бригадасы жұмыс істейді. Былтырғы сәйкес мерзіммен салыстырғанда шақырулар саны 2 есеге өскен. Яғни жедел жәрдем қызметкерлерінің жүктемесі ауыр болып отыр, сондықтан облыс әкімі бригада санын арттыру туралы шешім қабылдаған еді. Осы мақсатта жыл соңына дейін қосымша 100 жедел жәрдем көлігін алуға қаржы бөлінген. Алынатын көліктің жетпісі лизингімен, отызы жергілікті бюджет қаражатына сатып алынуда. Ал пандемияның болуы мүмкін екінші толқынына дайындық жұмыстарына облыстық бюджеттен қосымша 7,3 млрд теңге бөлінген. 

– Бұл қаражат бірінші кезек­те ауруханаларды ма­те­риал­дық-техникалық жаб­дықтауға бағытталатын болады. Атап айтқанда, 10 оттегі стансасы, 150 өкпенің жасанды желдету құрылғысы, 100 оттегі концентраторы, 3 ком­пьютерлік томограф және 3 сандық рентген жүйелері және басқа да қажетті медициналық құрал-жабдықтар сатып алынады. Оның 500 миллионы облыстағы медициналық мекемелерге қажетті дәрі-дәрмек сатып алу үшін қарастырылған, – дейді облыс әкімінің орынбасары Батыржан Байжұманов.

Осылайша, ағымдағы жы­лы облыстық денсаулық са­ласына қажетті құрал-жаб­дық­тармен қамтамасыз ету деңгейі 89 пайызға жетпек. Арнайы көліктер паркі де 75 пайызға жаңаратын болады.

 

Алматы облысы

 

Соңғы жаңалықтар

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Таразда тұңғыш рет күрделі ота жасалды

Аймақтар • 18 Қыркүйек, 2020

Қазақстанда темекі қымбаттайды

Қоғам • 18 Қыркүйек, 2020

Кепілге алған көлігін қайтармаған

Аймақтар • 18 Қыркүйек, 2020

Ұқсас жаңалықтар