Саясат • 10 Қыркүйек, 2020

Министр Қырғызстан және Үндістан СІМ басшыларымен кездесті

9 рет көрсетілді

Шанхай ынтымақтастық ұйымының Сыртқы істер министрлері кеңесінің алаңында Қазақстан Республикасының Сыртқы істер министрі Мұхтар Тілеуберді Қырғыз Республикасы мен Үндістан Республикасының Сыртқы істер министрлерімен кездесті, деп хабарлайды Egemen.kz.

Чингиз Айдарбековпен қазақстан-қырғыз көпжоспарлы ынтымақтастығының өзекті мәселелері, сондай-ақ аса жоғары және жоғары деңгейдегі екіжақты сапарлардың қорытындылары бойынша қол жеткізілген уағдаластықтарды іске асыру мәселелері талқыланды.

Мемлекеттер арасындағы көлік қатынасын қалпына келтіру және екі республика азаматтарының шекарадан өту тәртібі егжей-тегжейлі қарастырылды. Қырғыз тарапы Қазақстанға коронавируспен күресте және қырғыз азаматтарын отанына қайтару бойынша бірлескен жұмыста көрсеткен қолдауы үшін ерекше ризашылығын білдірді.

Екі елдің СІМ басшылары халықаралық және өңірлік ұйымдар аясындағы өзара іс-қимыл мәселелерін де қарастырды.

Субраманьян Джайшанкар Қазақстан мен Үндістан арасындағы саяси ынтымақтастық пен жоғары деңгейдегі сапарлармен алмасудың жоғары серпінін атап өтті.

7

Тараптар елдер арасындағы 2020 жылғы қаңтар-мамыр айларындағы тауар айналымы 1,57 млрд. АҚШ долларын құрап, 2019 жылдың осы кезеңімен салыстырғанда екі есе өскенін ризашылықпен қабылдады.

С.Джайшанкар энергетика, инвестиция, фармацевтика және логистика саласындағы Қазақстан-Үндістан ынтымақтастығын одан әрі кеңейтудің маңыздылығына назар аударды.

Кездесу қорытындысы бойынша тараптар бұрын қол жеткізілген уағдаластықтарды іске асыру мақсатында өзара тығыз іс-қимылды жалғастыруға, сондай-ақ Нұр-Сұлтан мен Нью-Дели арасындағы стратегиялық әріптестікті одан әрі тереңдетуге бағытталған бірқатар іс-шараларды бірлесіп жүргізуге келісті.

Үндістан мен Қырғызстан Қазақстанның Азиядағы өзара іс-қимыл және сенім шаралары жөніндегі Кеңеске алдағы төрағалығын құптады.

Соңғы жаңалықтар

Білім – басты құндылық

Аймақтар • Бүгін, 17:10

Көкпектіде саябақ ашылды

Аймақтар • Бүгін, 15:48

Маңғыстауда дельтаплан құлады

Аймақтар • Бүгін, 11:24

Елімізде тағы 55 адам індеттен айықты

Коронавирус • Бүгін, 09:00

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Ұқсас жаңалықтар