Әлем • 10 Қыркүйек, 2020

Бейрут айлағында тағы да өрт шықты

154 рет
көрсетілді
1 мин
оқу үшін

Бейрут айлағында тағы да өрт шықты, деп хабарлайды Egemen.kz

Бейрут айлағында тағы да өрт шықты

Қалың түтінді теңіз айлағынан үш шақырым жерде байқауға болады. OTV жаңалықтарында хабарлағандай, өрттің шығу себебі порттағы қоқыстың жануынан болған десе, ал басқа да бұқаралық ақпарат құралдарының мәліметінше, Duty Free аумағындағы ангарлардың бірінен өрт тұтанып, арты қызыл жалынға ұласқан.

Оқиға орнына жедел өрт сөндіру және әскери бөлімнің мүшелері келіп өртті ауыздықтаған.

Еске сала кетейік, 4 тамыз күні Бейрут портында жойқын жарылыс болып, жүздеген тұрғын үй мен көліктің сау-тамтығы қалмаған еді. Жарылыстың себептері 2014 жылы кеден қызметкері тәркілеген 2750 тонна аммиак селитрасының жарылуынан болған. Одан 190 адам қаза тауып, 6 мыңнан астам адам жарақат алған. Ливан астанасы апаттық аймақ деп танылып, қалаға 19 қыркүйекке дейін төтенше жағдай енгізілді.