"Алдағы уақытта Қазақстанда, соның ішінде Шымкентте біздің университеттің өкілдігін ашу ойымызда бар", дейді Аризона мемлекеттік университетінің кеңесшісі Нью Ли Холман.
Қазір бұл іс жан-жақты талқыланып жатыр. Сондай-ақ шетелдіктер Шымшаһарда студенттерге арнап кампус салуды жоспарлап отыр. Онда тәлімгерлер білім алып қана қоймай, жатақхана ретінде де оны пайдалана алады.
Меймандарға жоғары оқу орнының оқу базасы таныстырылды. Университет ішіндегі "Мұхтартану" орталығы мен тарихтан сыр шертетін мұражайға бас сұққан қонақтар ондағы жәдігерлерге таңданысын жасырмады.
"Білім мен ғылым саласында халықаралық қатынасты жандандыру - басты бағытымыз. Қазіргі таңда университет өзіміздің міндет мақсаттарымызды жалпы кәсіпкерлік университетке баулу дағдысына көшіп отырмыз. Осыған байланысты біз университетте магистрант, доктаранттарды таза тілге оқытуға және кәсіпкерлікке баулу үшін ұзақ уақыттан бері осы Аризон университетімен екі жақты байланыста болғанбыз. Біз бүгін соның нәтижесін көріп отырмыз. Бұл университет бізге қос дипломды, бағдарлама бойынша кәсіпкерлікті шынайы дамыту мақсатында университетте кампустар жатақхана салу мәселесінде көтеріп отыр екі жақты", дейді университет ректоры Дария Қожамжарова.
Өз кезегінде шетелдік қонақтар да ғылым саласындағы ортақ істе бірлесіп кірісуге дайын екендігін жеткізді.
"Біз серіктес болғалы отырған университетке әуелі қос дипломды беру жобасын ұсынып отырмыз. Ғылымды бірлесіп дамыту бойынша да бағдарламамыз бар. Ортақ келісімге келсек, кампус, жатақхана саламыз деген жоспарымызды да айттық", деді Аризона мемлекеттік университеті басшысының кеңесшісі Нью Ли Холмон.
