Енді жоспардағы 99 көшеде, жалпы 213 шақырымдық жөндеу жұмыстары жыл соңына дейін атқарылады. Жалпы, қыркүйек және қазан айларында біршама жол құрылыс жұмыстарын аяқтау жоспарланған.
Қала әкімінің орынбасары Мақсұт Исаховтың айтуынша, шаһарда жол өткелдерін ретке келтіру, аялдама мен бағдаршам орнату жұмыстары да қолға алынған.
"Қалада жол құрылысы қарқынды жүріп жатыр. Алдыңғы кейпімен салыстырғанда қазір әлдеқайда қала көріктеніп, жолдар жақсарып қалды. Дегенмен сапасына, алдағы уақыттағы төзімділігіне назар аудару керек. Тұрғындардың ұсыныс-пікірін, олар үшін қолайлылығын да ескеруіміз керек. Әлеуметтік желіде күн сайын жол мәселесіне қатысты шағымдарды қарап отырамын. Ондай кедергілер туындамауы керек. Барынша қауіпсіз әрі сапалы жұмыс істелуі қажет. Сонымен қатар, шет аймақтардағы тас жолдарға қатысты мәселені де ертерек шешу амалдарын қарастырудамыз. Біздің көшелер мегаполиске сай болуы керек", деді қала әкімінің орынбасары.
Шаһарда аялдамаларды жаңарту жұмыстары да қарқын алған. Бүгінде 133 басты жолдарда 260 жаңа аялдама орнатылды.
Сондай-ақ, қалада қыркүйек айынан бастап Shymkent bike велосипедтері қайта іске қосылды. Қазіргі таңда 40 велостанция жұмыс істеп тұр.
