Пандемияның кесірінен үйден ұзап шығуды қолай көрмейтіндер көбейді. Алайда жұмыс жүруі керек, тіршіліктегі күнделікті мәселелер уақытылы шешімін табуы тиіс. Әсіресе әлеуметтік көмек алатындардың проблемасы күн сайын кәсіби заңгерлердің көмегін қажет етіп отыр. Отандық университеттің бірі осы қажеттілікті, қоғам арасындағы сұранысты қанағаттандыру мақсатында «Тegin kenes» жобасын бастады.
М.Нәрікбаев атындағы KAZGUU университетінің еліміздегі азаматтардың құқықтық сауаттылығын арттыруды көздейтін бұл жобасы енді әрбір қазақстандыққа үйден шықпай-ақ заңгердің кеңесін тегін алуға мүмкіндік береді.
Жоба аясында тегін кеңес алу үшін ZOOM қосымшасын орнатып, https://clck.ru/Qjy2P сілтемесіне өту қажет. Азаматтарды қабылдау виртуалды кабинетте дүйсенбіден жұмаға дейін сағат 10.00-18.00 аралығында өтеді.
– Әр адамға сапалы құқықтық кеңес қажет. Ел Президенті Қасым-Жомарт Тоқаев: «Волонтерлік қызметтің басым міндеттерінің бірі – мұқтаж жандарға заңгерлік көмек беру», деген болатын. Бірақ құқықтанушы мамандар қызметінің бағасы барлығына бірдей қолжетімді емес. Сауатты заңгерлердің кеңесі уақытында берілсе, біраз түйткілдің түйінін тарқатуға болады, – дейді клиницист-студент Рамазан Әзіретқұлов.
КАЗГЮУ Заң клиникасының директоры Эстер Бабаджанян:
– Біз Қазақстанда Волонтерлер жылы жарияланғанға дейін де құқықтық еріктілер ретінде белсенді жұмыс атқардық. Биыл карантиндік шектеулерді ескере отырып, қашықтан кеңес беруді қолға алып отырмыз. Арнайы әзірленген kz сайтынан басқа, ZOOM платформасында виртуалды кабинет іске қосылды. Заң клиникасында тағылымдамадан өтіп жүрген студенттер азаматтардың мазалаған сұрақтарына онлайн режімде жауап беруге дайын. Біз студенттеріміздің күш-жігері арқылы құқықтық волонтерлікті дамытып, халықтың құқықтық сауаттылығын арттыруға үлес қосып қана қоймай, болашақ заңгерлерді әлеуметтік жауапкершілікке тәрбиелейміз, – деді.
Заң клиникасы директорының айтуынша, кеңес алушылардың азаматтық, отбасылық немесе еңбек мәселелері бойынша хабарласуына болады. Клиницист-студенттердің жауаптары алдын ала кәсіби заңгерлердің сапа тұрғысынан тексеруінен өтеді.
Рыбакина Майами турнирінің үшінші кезеңіне шықты
Спорт • Бүгін, 12:55
Өткен тәулікте 34 адамнан коронавирус анықталды
Коронавирус • Бүгін, 12:35
FIDE президенті Гран-приге қатысушылардан кешірім сұрады
Шахмат • Бүгін, 11:56
Әскери қызметші қошқарды 2050 рет көтеріп, жаңа рекорд орнатты
Спорт • Бүгін, 11:17
Бокс: Бүгін Ләззат Күнгейбаева алтын жүлде үшін сынға түседі
Спорт • Бүгін, 10:57
Тоғыз облыста ауа райына байланысты ескерту жарияланды
Ауа райы • Бүгін, 10:30
Ұқсас жаңалықтар
