Аймақтар • 15 Қыркүйек, 2020

Атырауда электр желісіне соғылған "КамАЗ" өртенді

531 рет
көрсетілді
1 мин
оқу үшін

Облыстық Төтенше жағдайлар департаментінің ақпаратына қарағанда, "КамАЗ" көлігі кеше, 14 қыркүйекте сағат 12:00 шамасында өртенді, деп хабарлайды Egemen.kz.

Атырауда электр желісіне соғылған "КамАЗ" өртенді

"Атырау қаласының "Береке" ықшамауданындағы "Шығыс" базарының маңында "КамАЗ" көлігі 10 мың вольттық электр желісіне соғылған. Жүргізуші жүкті түсіру үшін көліктің темір қорабын көтерген. Сол кезде қорап бағандар арасына тартылған электр желісіне тиген. Соның салдарынан көліктің артқы дөңгелегі мен қуат беру жүйесі өртенді", -деп хабарлады департаменттің баспасөз қызметі.

Өртті сөндіруге арнайы қызметтің 4 қызметкері мен 1 арнаулы техникасы жұмылдырылып, 30 минуттан соң жалын ауыздықталды.