Әлем • 17 Қыркүйек, 2020

Өзбекстанда ұстаздар жаппай вирус жұқтырып, мектептер жабылды

704 рет көрсетілді

Өзбекстанда мұғалімдердің жаппай қауіпті індетті жұқтыру салдарынан орта білім ошақтары қайта жабылды, деп хабарлайды Egemen.kz

Өзбек ағайындарда апта басында жаңа оқу жылы басталған еді. Алайда Ташкентте екі мектеп жабылды. Себебі мектептердің жұмысы басталмай тұрып, әр өңірдегі ұстаздар коронавирус инфекциясына тест сынамасын тапсырды. Бірақ нәтиже қуантарлық емес. Сынаманың қорытындысы бойынша Самарқандта – 250, Бұқарада – 200 және Әндіжанда 50-ге тарта мұғалім індетті жұқтырып үлгерген. Осының салдарынан мектептер қашықтан оқу форматына өтті.

Айта кетейік, 6 млн шәкірттің жартысынан жуығы қашықтан оқуды құп көрген. Сонымен бірге пандемия басталғалы Өзбекстанда коронавирус жұқтырғандар саны 49 мыңнан асып, оның 407-сі көз жұмды.

Соңғы жаңалықтар

Ұқсас жаңалықтар