Аймақтар • 20 Қыркүйек, 2020

Маңғыстаулықтар жаһандық тазалауға қатысты

62 рет көрсетілді

Ақтауда "Дүниежүзілік тазалық күні" 19 қыркүйекте таңғы сағат 10:00-де басталды, деп хабарлайды Egemen.kz

Облыс бойынша тазалау жұмыстарына 1250 ерікті қатысты. Оның ішінде 580 мемлекеттік қызметші, 430 волонтёр, 240 бей-жай қарамайтын тұрғындар, ал жиналған қоқыс болса 115 тоннадан асып түсті. Оның 15 - шыны, 42 - пластик, 24 - резеңке, 27 - қағаз, сонымен қатар 7 тонна металл өңдеуге берілді.

Маңғыстау облысының экология департаменті мен облыстық табиғи ресурстар және табиғат пайдалануды реттеу басқармасы "Кіші оймашы" аумағын тазалауға шыққан акция қатысушыларын жеке қорғаныс құралдарымен, соның ішінде антисептиктермен, қолғаптармен, бетпепделермен, қоқысқа арналған арнайы пакеттермен және т.б. қамтамасыз етті. Тазалық акциясына кез-келген адам қатыса алды. ҮЕҰ және қоғамдық ұйымдардың белсенді өкілдерінің арасында "Эко Маңғыстау", "Маңғыстау табиғаты", "Еcojer" қауымдастығы, "Невада-Семей" қозғалысы, "Табиғи орта", "ECO Safari Aktau", волонтерлер және тағы басқаларын атап өтуге болады.

"Жыл сайын миллиондаған адам Эстонияда пайда болған "Дүниежүзілік тазалық күні " азаматтық акциясына белсенді қатысады. Қоғамдық және қорық орындарын қоқыстан тазарту шаралары әлемнің 180-ге жуық елінде жүргізіледі. Шетте қалмай, аталған іс - шараны қолдауға келгендердің барлығына алғыс айтамыз", - дейді Маңғыстау облысының экология департаментінің басшысы Руслан Төкенов.

Дүниежүзілік тазалық күні - бұл елдің әлемді қалай өзгерте алатындығының мысалы. Барлығы адамзаттың қолында және қалаған нәтижеге қол жеткізуге болады.  Ең бастысы - жақсы жаққа деген ұмтылыстың бары қуантады.

"Біз тазалыққа бет алған миллиондаған адамдардың қатарындамыз. Осы акцияға қатыса отырып, біз өз қолымызбен өзгерістер жасай алатынымызды тағы да дәлелдедік. Әсіресе еріктілер қозғалысының қатысушыларының белсенділігі ерекше қуантты", - дейді Маңғыстау облысы табиғи ресурстар және табиғат пайдалануды реттеу басқармасының басшысы Дүйсен Құсбеков.

Міне, осылайша 13 жыл қатарынан миллиондаған адамдар "World cleanup Day"ірі акциясына қатысып келеді. 2019 жылы бұл шара 169 елдің еріктілерін біріктірді. Олар саябақтарды тазалап, өзендердің,  көлдердің және теңіздердің жағаларын тұрмыстық қоқыстардан тазартуды қолға алған.

Соңғы жаңалықтар

Құр аулаймын деп құрықталды

Аймақтар • Бүгін, 22:25

Алматыда жер сілкінді

Қазақстан • Бүгін, 16:48

Еленген ерлік

Аймақтар • Бүгін, 13:22

Ұқсас жаңалықтар