Руханият • 22 Қыркүйек, 2020

Қайта оқуыма сұранып тұрады

13 рет көрсетілді

Интернетке аңсар ауған мына заманда кітапқа деген көңіл суып бара жатқандай көрінетіні рас. Электронды кітаптарды, сайт материалдарын оқу, мерзімдік басылымдардың жаңалықтары мен салмақты материалдарын интернеттен іздеу күнделікті әрекетімізге айналып кеткелі қашан.

Алайда кітап – жанымыздың ажырамастай бір бөлшегіне айналған құндылық екенін ойымыздан шығармасақ керек. Бала күнімізден кітаппен дос болдық, сол бала досымызға деген адалдығымызды, тұрақтылығымызды сақтап келеміз, дұрысы – сақтауға тырысып-ақ келеміз.

Оқып жатқан кітаптардың барлығын тізбелеп айтып шығуға да болар. Дәріс оқуға дайындық барысында оқылатын еңбектер қатары да баршылық. Соңғы оқығандарым – Джозеф Кэмпбеллдің «Тыся­челикий герой», Кристофер Воглердің «Путешествие писателя» атты еңбектері. Осы  кітап­тардың ара-арасынан жол тауып, өзімнің сүйікті мифологиямды, ертегілерімді қайталап оқи­мын. Менің сүйікті ертегілерімнің ішінде «Ер Төстік» пен «Керқұла атты Кендебай» көш бас­тайды. Бұл ертегілерді аз болса жылына үш-төрт қайтара оқимын. «Ер Төстіктің» татар, қырғыз нұсқаларын да қайталап оқудамын. Қырғыздарда сақталып қалған «Ер Төстік» эпосындағы перінің қызы Айсалқынның Кенжеке сұлуды тілдейтін жері жанымды түршіктіреді... Бұл ертегінің біздің қазақтарда да әу баста эпос түрінде жырланғанына күмәнім жоқ.

Әрине, ұлт әдебиетінің классикалық шығар­малары да қайталай оқуыма сұранып тұрады, анығында, оларды қайталап оқуға өзімнің көңілім кетіп тұрады. Олар – Әбіш Кекілбайдың «Ханша-Дария хикаясы», Мұхтар Мағауиннің «Қып­шақ аруы» мен «Қосағашы»,  Төлен Әбдік­тің «Тұғыр мен ғұмыры». Бұл тізімім біраз шығар­маларды қамтиды. Қатыгез ғасырдың талайына түскен таңғұт ханымы Гүрбелжін сұлудың тағдыры,  бүгінгі тіршілік пен бағзы тарихты тұтастырған Саржан мүсінші мен Айсұлу бегімнің болмысы, кешегі кеңестік жүйенің адамдардың жанын қасіретке бөктіріп, қан жылатқан қанқұйлы саясатының кесірінен тағдыры тәлкекке түскен Батыр – Бористің жан азасы... «Өзекті жанға – бір өлім емес, мың өлім» деген эпиграф алынған туындының  кеңестік кезеңде ғұмыр кешкен әрқай­сымыздың әлетімізге қатысы бары ақиқат... 

 

Жанат Әскербекқызы,

ақын, филология ғылымдарының докторы

Соңғы жаңалықтар

Қостанайға алғашқы қар түсті

Аймақтар • Бүгін, 10:02

Салымшыларға 887 пәтер

Аймақтар • Бүгін, 09:10

Қысқа дайындық толық аяқталды

Аймақтар • Бүгін, 07:46

Қажетті отынның 70%-ы жеткізілді

Аймақтар • Бүгін, 07:43

Қарсыласы ауырып қалыпты

Спорт • Бүгін, 07:38

Чемпиондар лигасы басталды

Футбол • Бүгін, 07:36

Францияға жол түсіп тұр

Оқиға • Бүгін, 07:33

Бөтенге сәлем

Руханият • Бүгін, 07:19

Қос ішекті қоңырым

Руханият • Бүгін, 07:14

Оңтайлы интеграцияланған жүйе

Экономика • Бүгін, 07:13

Не оқып жүрсіз?

Таным • Бүгін, 07:00

Бейсауат жүріске шектеу қойылды

Аймақтар • Бүгін, 06:49

Қауіпті індет қайта көбейді

Аймақтар • Бүгін, 06:45

Жаңа аурухана мен жаңа көліктер

Аймақтар • Бүгін, 06:39

Толық адам танымы

Абай • Бүгін, 06:37

Үміткерлер анықталды

Абай • Бүгін, 06:36

Жетісу қыс маусымына дайын ба?

Аймақтар • Бүгін, 06:13

Қазір көмір арзан сатылып жатыр

Аймақтар • Бүгін, 06:11

Қаралы қазан

Футбол • Бүгін, 06:00

Ұқсас жаңалықтар