"Бүгінгі таңда қазақстандықтар 11 елге бара алады. Сіз шет мемлекеттер қандай талаптарды қоятынын біздің кестеден біле аласыз", деп хабарлайды ҚР СІМ ресми өкілі Айбек Смадияров.
Кестеде ПТР-тест қажет пе, қандай да бір елге келген соң карантинге жатқызып тастай ма, өзімен бірге қандай құжат алып жүру қажет, виза қажет пе, жоқ па осы және өзге де талаптар көрсетілген.
"Бұл ақпарат жаңартылып отырады, сондықтан сапарыңызды жоспарлау кезінде шет мемлекеттердің талаптарын мұқият зерделеуді сұраймыз", деп мәлім етті СІМ ресми өкілі.
Айта кетейік, қазақстандықтар ұшып бара алатын 11 мемлекеттің қатарында Беларусь, Біріккен Араб Әмірліктері, Германия, Мысыр, Нидерланд Корольдігі, Корея Республикасы, Қырғызстан, Өзбекстан, Түркия, Украина және Ресей бар.
Ведомство жасаған кестемен мына сілтемеде толық таныса аласыз.
