Аймақтар • 26 Қыркүйек, 2020

Әбілқайыр Сқақов Павлодардың құрылыс учаскелерін аралады

22 рет көрсетілді

Облыс әкімі жылу трассаларын реконструкциялау, мектептер мен балабақшаларды жөндеу және салу жұмыстарын тексерді, деп хабарлайды Egemen.kz Pavlodarnews.kz сайтына сілтеме жасап.

Бірінші кезекте Павлодар облысының әкімі жылу трассасын ауыстыру жұмыстары аяқталып жатқан Қамзин көшесінің учаскесінде болды. "Нұрай Құрылыс" ЖШС мердігерлері жылу камераларын байлап, ордың кішкене бөлігін көміп тастау қалғанын хабарлады. Тұрғын үйлер мен әлеуметтік нысандарды жылумен және ыстық сумен жабдықтауға қосу үшін 1 қазанға дейін магистральды тапсыруға уәде берді.

Өңір басшысы қалалық әкімдік өкілдеріне нысанды үнемі қадағалап отыруды тапсырды және құрылыс-жөндеу жұмыстарын мұқият жоспарланбағанын айтты.

"Осы уақытқа қарай жылу мен ыстық су берілу керектігін бәрі біледі. Мұндай жобалардың қазан айының соңына дейін аяқталуын қалай жоспарлай аласыз",  деп сұрады Әбілқайыр Сқақов. - Бұл жағдайда алшақтық үш аптаға созылып отыр.

Лермонтов пен Астана көшелерінің қиылысында жөндеу жұмыстарын жүргізіп жатқан мердігерлер де жылу магистралін жақын күндері пайдалануға береміз деп уәде берді.
photo5438519299842092567.jpg
Өңір басшысының әлеуметтік нысандардағы жұмыс уақыты туралы да сұрақтары болды. Жаяу Мұса көшесі, 4 мекенжайындағы балабақша ғимаратына барған кезде құрылысшылар тағы екі апта уақыт сұрады.

"Құрылыс сапасын бақылауға ата-аналарды тарту қажет. Осы балабақшаға баратын балалардың аналары мен әкелері мердігердің барлық кемшіліктерді дереу жоюы үшін өздерінің көңілінен шықпайтын тұстарды айтсын", деп тапсырды облыс әкімі.

Абай атындағы гимназияда жапсаржай құрылысы аяқталды, алайда іргелес аумақ пен көлік тұрағын абаттандыру жұмыстары жалғасуда. Мектептің негізгі корпусында "Жұмыспен қамтудың жол картасы" бағдарламасы бойынша спорт залы жөнделді, қасбетті әрлеуге кірісуде. Өңір басшысы мердігерлерге жұмыстардың мерзімі мен сапасы үшін жауапкершілік барын еске салды.
photo5438519299842092571.jpg
350 орындық жаңа мектеп ғимараты салынып жатқан Затон шағын ауданында жағдай басқаша. «Құрылыс «БҚБ» ЖШС нысанды келесі жылы тапсыруы керек еді, бірақ оны жақын арада тапсыруды жоспарлап отыр. Құрылысшыларға оқу орнын керек-жарақпен және жиһазбен жабдықтау, футбол, баскетбол және волейбол алаңдары бар спорт аймағын жайластыру және аумақты көгалдандыру қалды.
photo5438519299842092573.jpg
Әбілқайыр Сқақов жұмыс бабымен аралау барысында сондай-ақ «Шахмат үйі» мен Ы. Алтынсарин атындағы облыстық гимназия-интернатындағы жөндеу жұмыстарын тексерді. Облыс әкімі бұл мекемелердің тәрбиеленушілері үшін барынша қолайлы жағдай жасауды талап етті.

Соңғы жаңалықтар

«Барыс» тағы жеңілді

Хоккей • Бүгін, 08:29

Кукушкин – келесі кезеңде

Теннис • Бүгін, 08:16

Бизнестің сәтті бастауы

Бизнес • Бүгін, 08:09

Асыл ағаны ардақтайық

Руханият • Бүгін, 07:49

Ақжайықтың Абайы

Руханият • Бүгін, 07:40

Карантин талабы күшейе ме?

Аймақтар • Бүгін, 07:36

Интернетпен қаншалықты қамтыламыз?

Технология • Бүгін, 07:32

Әлемді ойын арқылы басқару

Қоғам • Бүгін, 07:29

Аргентинаның алтын баласы

Спорт • Бүгін, 07:15

Коронавирусты таратпаудың қамы

Аймақтар • Бүгін, 07:07

Ұқсас жаңалықтар