Оқиға • 29 Қыркүйек, 2020

Қоғамдық бақылау медициналық ұйымдар жұмысын тәртіпке келтіреді

242 рет
көрсетілді
2 мин
оқу үшін

Күн сайын Әлеуметтік медициналық сақтандыру қорының елордалық филиалына азаматтардан МӘМС жүйесі бойынша түрлі сұрақтар түседі. Бұл бағытта филиал ақпараттық-түсіндіру жұмыстарын белсенді жалғастыруда.

Қоғамдық бақылау медициналық ұйымдар жұмысын тәртіпке келтіреді

Медицина қызметкерлерінің медициналық сақтандыру жүйесі, оның ішінде ТМККК аясындағы және МӘМС жүйе­сіндегі меди­ци­на­лық қыз­мет­тер, сондай-ақ пациент­тер­дің сақтандырылу мәртебесі туралы білімдерін анық­тау мақ­са­тында қордың ел­ор­­дадағы филиалы «Құпия па­циент» жобасы аясында медицина ұйымдары қызметкерлеріне қоңырау шалып, олардың білік­тілігін тексерді. Жобаға 35 ме­дициналық ұйым енді. Екі кезең­мен өткізілген қоңырау шалу нәтижелері бойынша қордың Нұр-Сұлтан қаласы бо­йынша қызмет жеткізуші – медицина ұйымдары арасында қыз­мет­керлер жауабына қана­ғат­тан­бай­тын пациенттер көр­сет­кі­ші 64%-дан 33,5%-ға азайды.

Сондай-ақ анықталған мәсе­ле­лер негізінде филиал оқу-үй­ре­ту материалдарын әзірлеп, медицина ұйымдарындағы «бестікке» арналған оқу-үйрету шараларын өткізді.

«1 шілде мен 18 қыркүйек ара­лы­ғында халықты ақпа­рат­тандыру және өтініш­тер­ді қарас­ты­ру бөлімінің қыз­мет­керлері телефон арқылы және келіп сұра­ған азаматтарға 1215 кеңес берді. Көрсетілген ке­ңес­тер қорытындысы бойынша тұрғындардың сақтандыру мәртебесінің болмауы, олардың уақтылы медициналық көмек алуына кедергі келтіретінін түсі­ну­ге болады», дейді «Әлеу­мет­тік медициналық сақтандыру қоры» КеАҚ Нұр-Сұлтан қаласы бойынша филиалының халықты ақпараттандыру және өтініштерді қарастыру бөлімінің бас сарапшысы Жанаргүл Үмбетова.

Тұрғындар тарапынан қо­ғам­­дық бақылау бір жағы­нан Әлеуметтік меди­ци­на­лық сақтандыру қорына бұрма­лау­шы­лықтарды анық­тау­ға көмек­теседі, екінші жағынан меди­ци­­налық ұйымдар жұ­мы­сын тәр­тіпке келтіреді. Сон­дық­тан аза­маттарды мо­биль­ді қо­сымшаларда өз дерек­терін тек­серуге және сәй­кес­сіздіктер анық­талған жағ­дай­да қордың елор­далық филиалына хабар­лау­ға шақырамыз. Сондай-ақ 1406 телефонына немесе Qoldau 24/7 мо­бильді қосымшасы арқылы ха­бар­ласуға болады.

Әлеуметтік медициналық сақ­­та­ндыру қорының Qoldau-24/7 мобиль­ді қо­сым­ша­сы Android смарт­фондары үшін Play Market арқылы, Apple смарт­фон­­дары үшін App Store арқылы жүк­те­ле­ді.