Медицина • 29 Қыркүйек, 2020

Алматыда күн сайын жүрекке 3-4 ашық ота жасалады

33 рет көрсетілді

Алматыдағы Кардиология орталығында күн сайын жүрекке 3-4 ашық ота жасалады, деп хабарлайды Egemen.kz

Жыл сайын 29 қыркүйекте Дүниежүзілік жүрек федерациясының бастамасымен Дүниежүзілік жүрек күні атап атап өтіледі. Жүрек күнін атап өту идеясы − ДДҰ, ЮНЕСКО, әлемнің 100-ден астам елінің қолдауына ие болған. Бұл халықтың жүрек-қан тамырлары аурулары (ЖҚА) туралы ақпараттандыруды арттыруға мүмкіндік берді, себебі әлем бойынша жүрек аурулары өлімнің негізгі себебі болып табылады.

ДСҰ мәліметтері бойынша жыл сайын ЖҚА-дан орташа есеппен 17,5 миллион адам қайтыс болады. Бұл барлық жаһандық өлімнің 30% құрайды. ДДҰ болжамдарына сәйкес, 2030 жылы ЖҚА-дан, негізінен жүрек аурулары мен инсульттан шамамен 23,6 миллионға жуық адам қайтыс болады.

Сарапшылардың пікірінше, бұл аурулар әлемдегі эпидемиялық жағдайға қарамастан өлімнің негізгі бір себебі болып қала береді.

Әдетте, қарапайым қағидаларды ұстанатын болсаңыз, мерзімінен бұрын инфаркт пен инсульттің 80% алдын алуға болады: дұрыс тамақтану, үнемі спортпен айналысу, жаман әдеттерден бас тарту.

Алматы туралы айтатын болсақ, жүрек-қан тамырлары ауруларының алдын алуға және емдеуге көп көңіл бөлінеді. Тіпті коронавирустық инфекция эпидемиясы мен денсаулық сақтау жүйесіне орасан зор жүктеме түскен кезде де жоспарланған жұмыс және осы топтағы науқастарға медициналық көмек көрсету тоқтаған жоқ.

Қалада ЖҚА емдеуге 177 кардиохирургиялық және 445 кардиологиялық төсек-орын жұмылдырылған. 2017-2020 ж.ж. соңғы 6 айда Алматы қаласы бойынша жақсы көрсеткіштерге қол жеткізілді – миокард инфарктісінен болатын өлім-жітім 18%-ға төмендеді.

Өкінішке қарай, бір тәулікте Алматы қаласының Қалалық кардиологиялық орталығына орта есеппен ЖҚА-мен 50-ге жуық науқас түседі. 2020 жылдың 9 айында Алматы қаласы Қалалық кардиологиялық орталығында 3299 коронарография және 1140 коронарлық тамырларға стенттеу жүргізілді. Кардиохирургтар күн сайын жүрекке 2 отадан жасайды. Алматылық дәрігерлер, әсіресе, COVID-19 эпидемиясы жағдайында ЖҚА-мен ауыратын науқастарды жүргізудің заманауи деректерін үнемі зерттеп отырады.

Соңғы жаңалықтар

Ұқсас жаңалықтар