Бас мүфтидің бұйрығымен Саметов Сұңғат осы мешіттің имамы болып тағайындалды. Ол бұған дейін Әйтеке би ауданының Бас имамы және облыстық орталық "Нұр Ғасыр" мешітінің найб имамы қызметтерін атқарған.
Облыстың бас имамы Төлеби Оспан имандылық үйін салып берген барша азаматтарға алғыс білдіріп, осы жердің ақсақалдары М. Қиынбаев пен М.Жаманғаринге Бас мүфти марапаты мен Құран Кәрім тарту етті. Осы шараға арнайы келген Ақтөбе қаласының әкімі Асхат Шахаров мешіт құрылысына қатысқан азаматтарға алғысын білдіре отырып, имандылық үйінде жастарды отансүйгіштікке баулу, еңбек етіп, кәсіп ашып, ел игілігі үшін қызметтер атқаруға шақыратын мазмұнды да, мағыналы кештер ұйымдастырылатындығына сенім білдірді. Бұл үшін мешіттің жанында ақсақалдар кеңесі тұрақты түрде жұмыс істеуі керек, Шара соңында пандемия кезінде қайтыс болған марқұмдардың рухына Құран бағышталды.
