Атаулы мерекені жазасын өтеушілер үлкен дайындықпен, көтеріңкі көңіл күймен атап өтті. Мекеме әкімшілігінің ұйымдастыруымен клубта мерекелік концерт ұйымдастырылып, қарт сотталушылардың құрметіне арналып өлеңдер мен мерекелік әндер, көңілді құттықтаулар, музыкалық слайд-шоулар, сахналық қойылымдар көрсетілді.
Мерекелік іс-шараны мекеме бастығының тәрбие жұмыстары жөніндегі орынбасары, әділет майоры Азат Шабиков ресми түрде ашып, егде жастағы сотталғандарды айтулы мерекемен құттықтап, олардың отбасына аман-есен оралуына тілектестік білдірді.
– Халықаралық қарттар күні қарсаңында мекемеде жалпы саны 15 аға буын сотталғандарға ерекше құрмет көрсетіліп, мекеме бастығының бұйрығымен марапатталды. Қарттарға қашанда, қай жерде жүрсе де құрмет көрсетуге тиістіміз, басына іс түскен адамдардың отбасынан тыс, арнайы мекемеде жазасын өтеуші екендігі оларға деген ықыласты, құрметті жоққа шығара алмайды, дейді мекеме бастығының тәрбие жұмыстары жөніндегі орынбасары, әділет майоры Азат Шабиков.
Мерекелік шараға қарттар да, ұйымдастырушылар да риза. Жазасын өтеушілер тек қарттар күнінде емес, өзге де маңызды мерекелерді тағылымды, мазмұнды шаралармен атап өтуді жөн санайды.
Маңғыстау облысы
