Фильмнің режиссері Серік Апрымовтың айтуынша, «Ауыл» – өмірлік құндылықтар туралы ой салатын терең фильм. Фильм желісі бойынша Айдос есімді жас режиссер Балқаш көліндегі балықшылардың өмірі жайлы фильм түсіруге тапсырма алады. Бірақ жолдан адасып кетіп, ескі ауылға тап болады. Сыртынан момақан көрінетін кішкентай ауыл өмірінің өз заңы, шиеленіске толы қызу тірлігі бар болып шығады. «Картинаның басты идеясы – біздің бүкіл өмірімізге жол сілтейді. Бұл жол – өзіңді іздеу, өміріңнің мағынасын іздеуден тұрады. «Ауыл» – авторлық кино және осы тұрғыдан қарауға дайын көрермендерге арналған», дейді кинотуынды режиссері.
Қазіргі таңда фильм, Кино орталығының басқа да коронавирустық пандемия аясында қойылған шектеулерге байланысты кейінге қалдырылған көптеген жоба сияқты дайындық кезеңінде.
