Қоғам • 09 Қазан, 2020

Бір күнде екі ұрлық жасаған ақтөбелік тұрғын ұсталды

472 рет
көрсетілді
1 мин
оқу үшін

39 жастағы ақтөбелік бір күнде 2 ұрлық жасағаны үшін ұсталды, – деп хабарлайды Egemen.kz Polisia.kz сайтына сілтеме жасап.

Бір күнде екі ұрлық жасаған ақтөбелік тұрғын ұсталды

6 қазанда патрульдік полиция қызметкерлері ұрлық жасады деген күдікпен қылмыс орнында Ақтөбенің 39 жастағы тұрғынын ұстады. Күдікті пластикалық терезе арқылы О.Кошевой көшесіндегі бір үйге кіріп, пәтер иесіне тиесілі жеке мүлкін жасырын ұрлауға талпынған. Алайда пәтер иелерінің полицияға уақтылы хабарласуының нәтижесінде  күдікті қылмыс орнында ұсталды.

Сондай-ақ дәл осы күні аталған ер адамның О.Кошевой көшесіндегі металл контейнерді бұзып кіріп, басқа ұрлық жасағаны белгілі болды. Ол контейнерге аспалы құлыпты бұзу арқылы кіріп, ЖШС-нің бірінің директоры 39 жастағы ақтөбелікке тиесілі электр жылытқышын және электрлі тескішті ұрлап кеткен. Шығын 61 мың теңгені құрады.

Күдікті қылмыстық әрекеттерін мойындады және Ақтөбе қаласының уақытша ұстау изоляторына қамалды. Аталған фактілер негізінде ҚР ҚК 188-бабы 3-бөлігі (Ұрлық)  бойынша сотқа дейінгі тергеу амалдары жүргізілуде.