Шараның мақсаты – осы санаттағы қазақстандықтар мәселесіне қоғам назарын аудару, сондай-ақ олардың өмір сүру сапасын жақсарту. Барлық санитарлық нормаларды сақтай отырып өткен акцияға 50-ден астам адам қатысты.
– Ерекше адамдарға ерекше күтім қажет. Біз үшін кез-келген науқас қымбат. Мүмкіндігі шектеулі жандар үшін біз мамандардың үйден тексерулерін үнемі ұйымдастырамыз, көмекші қызметкерлер мүмкіндігі шектеулі қарттарды медициналық мекемелерге алып барып, үйлеріне жеткізіп береміз», – дейді "Салауатты Астана" ЖШС филиалының жетекшісі Алмагүл Базарова.
Күні бойы қарттар мен мүмкіндігі шектеулі науқастар іш құрылыс мүшелерін, жүректі ультрадыбыстық тексеруден өтті, сонымен қатар кардиолог, ЛОР, хирург, невропатолог, эндокринолог сияқты мамандар қызметін алды. Қайырымдылық акциясы аясында ауыр науқас қарттарға азық-түлік пакеттері таратылды. Шараға ерекше балалары бар көп балалы аналар да келді.
– Мен ерекше баланың анасымын. Ол әрдайым ерекше күтімді және тұрақты тексерулерді қажет етеді. Бүгін дәрігерлерге көрсеткен ақысыз қызметі үшін алғысым шексіз, – дейді көпбалалы ана Жанар Бердіқұлова.
Халықтың әлеуметтік осал топтары үшін "Салауатты Астана" ЖШС ақысыз медициналық қолдаудың кепілдендірілген көлемі шеңберінде әлеуметтік терезені пайдалануға мүмкіндік береді (кезексіз дәрігермен кеңесу).
Қазіргі уақытта "Салауатты Астана" ЖШС-не тіркелгендердің саны 70 мыңға жуықтайды, оның ішінде көп балалы аналар – 348, мүгедектер – 932, жалғызбасты қарттар – 18, аз қамтылған отбасылар – 77.
