Әуежайға шетелден 5 ұшақ келіп қонды. Халықаралық рейстерді Air Astana, Turkish Airlines және FlyDubai әуе компаниялары орындаған.
"Жолаушылардың жалпы саны 573. Басым бөлігінде ПТР-тест анықтамасы бар және нәтижелері теріс. Сондықтан үйлеріне қайтарылды", делінген хабарламада.
Ал 132 жолаушы карантиндік стационарға жіберілген. Олардан алдағы уақытта тест сынамалары алынуы тиіс.
Айта кетейік, Ыстамбұлдан мерзімі өткен ПТР анықтамасымен келген Түркия азаматы мен Ресейдің үш азаматы Нұр-Сұлтан қаласының әуежайынан депортацияланды.
