Қ.Сәтбаев атындағы Қазақ ұлттық техникалық университетінде «Шеврон» компаниясының 2013-2014 оқу жылы бойынша осы университеттегі техникалық мамандықтарына арналған Стипендиялық бағдарламасының жеңімпаздарын салтанатты түрде мараппатау рәсімі болып өтті.
Қ.Сәтбаев атындағы Қазақ ұлттық техникалық университетінде «Шеврон» компаниясының 2013-2014 оқу жылы бойынша осы университеттегі техникалық мамандықтарына арналған Стипендиялық бағдарламасының жеңімпаздарын салтанатты түрде мараппатау рәсімі болып өтті.
Онда ҚазҰТУ-дың Халықаралық байланыс және оқу-әдістемелік жұмыс проректоры Сәрсенбек Жүсіпбеков «Шеврон» компаниясына өз ризашылығын білдіре отырып, бүгінгі шәкіртақы иегерлерін құттықтап, олардың болашағына табыс пен жетістіктер тіледі.
Рәсім барысында «Шеврон» компаниясы Еуразия бөлімшесі Басқарушы директорының орынбасары Имир Боннер «Шевронның» университеттермен серіктестік құру бағдарламасының Қазақстандағы жүзеге асуы және компанияның осы елдегі қызметі туралы жиналғандарға кеңінен әңгімеледі. Соның ішінде ҚазҰТУ-дың 2007 жылдан бері «Шеврон» компаниясымен ынтымақтастық орнатып келе жатқандығын айтып өтті. Биыл бұл компания университеттегі ең үздік 92 студентті таңдап, оларға 31 толық және 61 жартылай шәкіртақы тағайындаған екен.
Жас «Мамандар мен болашақ инженерлердің әлеуетін толыққанды жүзеге асыруларына жағдай жасауға біздің компаниямыздың білім беру бағдарламаларында ерекше мән берілген», – деп атап өтті Имир Боннер өз сөзінде.
Компания әлемнің түрлі елдеріндегі ең үздік оқу орындарымен, соның ішінде АҚШ-тың жетекші техникалық университеттерімен тығыз жұмыс істейді. Бағдарлама аясында «Шеврон» университеттерге жаңа оқу бағдарламаларын енгізуге, материалдық-техникалық базаны жақсартуға көмектеседі. Сондай-ақ, үздік студенттерге гранттар мен стипендиялар бөледі. Мәселен, соңғы жеті жылдың ішінде ҚазҰТУ-дың ең үздік деген 358 студентіне шәкіртақы беріліпті.
«Егемен-ақпарат».
