"Қазақстанның Украинадағы Елшілігі және "Отандастар қоры" КеАҚ қолдауымен Киев қаласында онлайн қазақ сыныбы ашылғанын қуанышпен хабарлаймыз. "Достық" қазақ қоғамдық ұйымына сабақтарға қажетті жабдықтар тапсырылды.
Сонымен қатар "Отандастар қоры" "Қазақ тілі" курсының ІІ семестрі басталғаны туралы хабарлаймыз. Кез келген адам үйде отырып та қазақ тілін онлайн тегін үйрене алады. Ол үшін "OQ-BILIM" Telegram каналына (https://t.me/otandastar_qory) жазылып, арнайы сілтеме арқылы сабақтарға қосылу қажет. Сабақтар тікелей эфирде Microsoft Teams платформасын арқылы өтеді.
Аталмыш іс-шара "Қазақ сыныбы" жобасы аясында ұйымдастырылып отыр. 12 елдің 24 қаласында 31 онлайн сыныбын ашу жоспарланған.
Тікелей эфирге қатыса алмасаңыз, «Otandastar Channel» YouTube каналына жүктелген сабақтарды көре аласыз. Жоғарыдағы кестеге сәйкес қазақ тілін үйрене аласыздар", делінген хабарламада.
