«Қазақстан темір жолы» өтінімі бойынша жария тыңдау өтті

Жария тыңдауға Энергетика, сондай-ақ Индустрия және инф­ра­құрылымдық даму ми­нистр­ліктері, «Атамекен» ҰКП, салалық қауымдастықтар өкіл­дері мен «Қазақстан темір жолы» ҰК» АҚ тұтынушылары қатысты.

Жария тыңдау комитет төраға­сы Асан Дарбаевтың төраға­лы­ғы­мен өтті. Ол барлық қа­тысу­шы­­лар­ды жа­рия тың­дау­ды өткізу тәртібі­мен таныс­тыр­­ды, сондай-ақ «Қазақстан те­мір жолы» ҰК» АҚ тарифтері, тариф­тік сметалары жобаларына өз ұсы­н­ыс­тары мен ескертулерін бел­сен­ді түрде айту қажеттігін жеткізді.

Елордада карантиндік шара­лардың күшеюіне байланысты, жария тыңдау комитеттің Face­book-тегі ресми парақшасы және ZOOM платформасы ар­қы­лы көрсетілді. Онда әрбір адам нақты уақыт режімінде субъек­тінің өтінімі бойынша сұрақ қоюға мүмкіндік алды. Жария тыңдауда «Қазақстан темір жолы» ҰК» АҚ басқарма төрағасының орынбасары Даир Көшеров спикер болды. «Қазақстан темір жолы» ҰК» АҚ өкілі өз сөзінде «Табиғи монополиялар туралы» Қазақстан Респ­убликасының заңына сәй­кес магистральдық теміржол желілері, бәсекелес кірме жол болмаған кезде кірме жолдар және электр энергиясын беру салаларындағы реттеліп көрсе­тілетін қызметтерінің тариф­тері 5 жылға бекітілетіндігін айтты.

«Қазақстан темір жолы» ҰК» АҚ 2016-2020 жылдарға ар­налған магистральдық темір­жол желілері, бәсекелес кірме жол болмаған кезде кірме жолдар және электр энергиясын беру салаларындағы рет­теліп көрсетілетін қызметтерінің қол­даныстағы тарифтері бекі­тілді. Оның қолданылу кезеңі­нің аяқталуына байланысты «Қазақстан темір жолы» ҰК» АҚ 2021-2025 жылдарға арнал­ған магистральдық теміржол желілері, бәсекелес кірме жол бол­маған кезде кірме жолдар және электр энергиясын беру салаларындағы реттеліп көрс­е­ті­летін қызметтеріне жаңа тариф­терді және тарифтік сметалар­ды бекітуге Табиғи монополияларды реттеу комитетіне өтінім берді», деді Д.Көшеров.

Сонымен қатар, жария тың­даудың қатысушылары, оның ішінде БАҚ өкілдері субъек­тінің тарифтері мен тариф­тік сме­таларының жобалары­на қатыс­ты сауалдар қойды.

Қорытындылай келе, комитет басшысы бұл талқылауға ұсынылған тек жоба ғана екенін, түпкілікті шешім «Қазақстан темір жолы» ҰК» АҚ өтінімін табиғи монополиялар туралы заң­намада белгіленген мерзім­де және тәртіппен қарау қоры­тын­дысы бойынша нақты шешім қабыл­данатынын атап өтті. «Айта кету керек, комитет әрдайым жария тыңдаудың қатысушыларының пікірл­ерін ескереді және түпкі­лікті шешім қабылдаған кезде тұ­тыну­шылар мен субъект арасын­дағы мүд­делер тепе-теңдігін сақ­тауға тырысады», деді ол.