Аралас жекпе-жектің басты ұйымында дебютті жекпе-жегін өткізетін қазақстандық Шавкат Рахмонов бүгінгі салмақ өлшеу кезінде белгіленген 77,6 кило (171 фунт) нәтижені көрсетті. Ал отандасымыздың қарсыласы Алекс Оливейра жартылай орта салмақтың шекті межесінен асып кетті. Яғни, бразилиялықтың таразыдағы салмағы 78,47 кило (173 фунт) болды.
Айта кетейік, ертеңгі UFC 254 турнирінің басты жекпе-жегінде ресейлік Хабиб Нурмагомедов пен америкалық Джастин Гэтжи күш сынасады. Олар жеңіл салмақтағы чемпиондық атақты сарапқа салады. Салмақ өлшеу рәсімінде екі спортшы да бірдей нәтиже көрсетті.
