Қоғам • 26 Қазан, 2020

Кәсіпкерлік ұғымын заңнамалық тұрғыдан бекіту ұсынылды

7 рет көрсетілді

Еліміздің 17 өңірінің қатысушыларымен өткізілген онлайн-диалог алаңында Қазақстанда әлеуметтік кәсіпкерлікті дамыту мәселелері талқыланды, деп хабарлайды Egemen.kz министрліктің баспасөз қызметіне сілтеме жасап.

Кездесу барысында әлеуметтік кәсіпкерді анықтайтын нормалар мен өлшемдерді заңнамалық деңгейде енгізу, осы бағытта оқыту іс-шараларын өткізу, жаңа форматтағы бизнесмендерге сыйлық беру арқылы қолдау жөнінде ұсыныстар айтылды.

Алаң аясында табысты әлеуметтік кәсіпкер, "Green Tal" әлеуметтік шеберханасының негізін қалаушы Эмин Әскеров модератор ретінде сөз сөйледі. Сондай-ақ, "Орталық Азияның Еуразия" қоры өкілі Айгүл Тағатова, "Impact Hub Almaty" құрылтайшысы Индира Шах, Қазақстанның әлеуметтік кәсіпкерлер қауымдастығының президенті және "Эльдани" қоғамдық қорының директоры Гүлзира Амантұрлина, "Радость" қайырымдылық дүкенінің негізін қалаушы Меруерт Аргимбаева, "Generation" қоғамдық бірлестігінің негізін қалаушы Владислав Голярко, экология саласындағы әлеуметтік кәсіпкер Мирас Аббасов және басқа да сарапшылар өз ұсыныстарын белсенді түрде білдірді.

Спикерлердің айтуынша, осы саланы дамытудың негізгі проблемалары: әлеуметтік кәсіпкерлер үшін бірыңғай платформаның болмауы, мемлекет тарапынан әлеуметтік кәсіпкерлер үшін преференциялардың болмауы, сондай-ақ ақпараттық жария етудің жеткіліксіздігі.    

Айтылған ұсыныстар Қазақстан Республикасы Парламенті Сенатының депутаттары бастамашы болған әлеуметтік кәсіпкерлік мәселелер жөніндегі заң жобасында көрініс табады.                

Естеріңізге сала кетейік, аталмыш салада пәрменді ұсынымдар әзірлеу үшін осындай диалог алаңдары "Әлеуметтік кәсіпкерлікті дамыту әлеуетін зерделеу және оны дамытудың негізгі әдістемелерін әзірлеу" зерттеуі аясында, ҚР АҚДМ бастасымен өткізілді.

Соңғы жаңалықтар

Kazakh Tourism Safe Travels белгісін алды

Туризм • Бүгін, 07:00

Түбітсіз терек

Қоғам • Бүгін, 06:56

Он бір ауылға газ жетті

Экономика • Бүгін, 06:29

Мектеп жаңарды

Аймақтар • Бүгін, 06:27

Малды жаңаша бағатын қожалық

Экономика • Бүгін, 06:25

Қазталов деген аудан бар

Аймақтар • Бүгін, 06:24

Ластанған жерді дронмен табады

Технология • Бүгін, 06:18

Жоспар жақсы, үміт мол

Аймақтар • Бүгін, 06:17

Қап тауындағы тұтқын

Қазақстан • Кеше

Ұқсас жаңалықтар